У апошнія месяцы ўсё часцей сталі паступаць пытанні з нагоды неабходнасці выплачваць утылізацыйны збор у дачыненні да набытых у Расійскай Федэрацыі транспартных сродкаў, раней вывезеных з Рэспублікі Беларусь.
Па гэтым пытанні Магілёўская мытня тлумачыць.
Згодна з Указам Прэзідэнта Рэспублікі Беларусь ад 04.02.2014 г. № 64 «Аб утылізацыйным зборы ў дачыненні да транспартных сродкаў»(далей – Указ) утылізацыйны збор спаганяецца аднаразова за кожны транспартны сродак, які ўвозіцца з тэрыторый дзяржаў – членаў Еўразійскага эканамічнага саюза (у тым ліку і Расійскай Федэрацыі) і падлягае дзяржаўнай рэгістрацыі на тэрыторыі Рэспублікі Беларусь у адпаведнасці з заканадаўствам Рэспублікі Беларусь.
Падпунктам 1.7. пункта 1 Указа заканадавец вызначыў дзве катэгорыі транспартных сродкаў, на якія не распаўсюджваецца дзеянне ўказа:
– на транспартныя сродкі, зарэгістраваныя на тэрыторыі Рэспублікі Беларусь ва ўстаноўленым заканадаўствам парадку да ўступлення ў сілу гэтага ўказа;
– на транспартныя сродкі, выпушчаныя ў свабоднае абарачэнне або змешчаныя пад мытную працэдуру выпуску для ўнутранага спажывання ў адпаведнасці з мытнымі дэкларацыямі, зарэгістраванымі да ўступлення ў сілу Указа.
З улікам выкладзенага, у дачыненні да транспартных сродкаў, раней зарэгістраваных ва ўстаноўленым парадку на тэрыторыі Рэспублікі Беларусь да 1 сакавіка 2014 года, а таксама выпушчаных у вольны зварот альбо змешчаных пад мытную працэдуру выпуску для ўнутранага спажывання ў адпаведнасці з мытнымі дэкларацыямі, зарэгістраванымі да ўступлення ў сілу Указа(1 сакавіка 2014 года), утылізацыйны збор не падлягае выплаце.
Паводле матэрыялаў Магілёўскай мытні