Савет Міністраў Беларусі зацвердзіў палажэнне аб парадку продажу шляхам правядзення аўкцыёну (конкурсу) прадпрыемства як маёмаснага комплексу, акцый (долі ў статутным фондзе) сельскагаспадарчай арганізацыі, якія знаходзяцца ў рэспубліканскай уласнасці. Гэта прадугледжана пастановай урада ад 18 сакавіка 2019 года №167, якая сёння афіцыйна апублікавана на Нацыянальным прававым інтэрнэт-партале.
Арганізатарам таргоў з’яўляецца Дзяржаўны камітэт па маёмасці. Іх удзельнікамі могуць быць юрыдычныя асобы і індывідуальныя прадпрымальнікі.
Сродкі ад продажу маёмаснага комплексу, акцый (долі ў статутным фондзе) накіроўваюцца ў рэспубліканскі бюджэт. Інфармацыя аб таргах і аб’екце рэалізацыі павінна размяшчацца не менш чым за 30 дзён да дня іх правядзення на афіцыйным сайце Дзяржкаммаёмасці. Для ўдзелу ў таргах неабходна прадаставіць арганізатару заяву ў тэрмін, усталноўлены ў паведамленні аб правядзенні таргоў. Паказаны парадак вызначэння пачатковага кошту продажу маёмаснага комплексу, акцый (долі ў статутным фондзе) сельгасарганізацыі.
Пастановай таксама зацвярджаюцца палажэнне аб здачы ў арэнду, у тым ліку з правам наступнага выкупу прадпрыемства як маёмаснага комплексу сельгасарганізацыі па выніках рэалізацыі бізнес-плана па яе фінансавым аздараўленни; палажэнне аб перадачы ў даверанае кіраванне акцый Рэспублікі Беларусь (долі ў статутным фондзе) сельгасарганізацыі, у тым ліку з правам наступнага іх выкупу па выніках рэалізацыі бізнес-плана па яе фінансавым аздараўленни; палажэнне аб перадачы паўнамоцтваў выканаўчага органа (кіраўніка) сельгасарганізацыі па дамове іншай камерцыйнай арганізацыі (кіруючай арганізацыі) альбо індывідуальнаму прадпрымальніку (кіраўніку), у тым ліку з правам наступнага выкупу прадпрыемства як маёмаснага комплексу сельскагаспадарчай арганізацыі па выніках рэалізацыі бізнес-плана па яе фінансавым аздараўленни.
Дадзеная пастанова прынята на падставе ўказа ад 2 кастрычніка 2018 года №399 «Аб фінансавым аздараўленні сельскагаспадарчых арганізацый» і ўступае ў сілу пасля афіцыйнага апублікавання.
