Інспекцыя Міністэрства па падатках і зборах Рэспублікі Беларусь па Магілёўскай вобласці інфармуе, што ў адпаведнасці з палажэннямі падпункта 1.10 пункта 1 артыкула 22 Падатковага кодэкса Рэспублікі Беларусь, беларуская арганізацыя абавязана прадастаўляць не пазней за 31 сакавіка года, наступнага за справаздачным, у падатковы орган па месцы пастаноўкі на ўлік па ўстаноўленай форме інфармацыю аб руху грашовых сродкаў па адкрытых рахунках у банку і іншай крэдытнай (фінансавай) арганізацыі за межамі Рэспублікі Беларусь, за выключэннем карэспандэнцкіх рахункаў.
З улікам таго, што абавязак па прадастаўленні вышэйназванай інфармацыі, унесены ў Падатковы кодэкс з 01.01.2019, звесткі прадастаўляюцца ўпершыню за 2019 год.
Форма для прадастаўлення звестак зацверджана ў дадатку 34-8 пастановы Міністэрства па падатках і зборах Рэспублікі Беларусь ад 26.04.2013 № 14 «Аб ажыццяўленні падатковымі органамі адміністрацыйных працэдур і ўстанаўленні формаў дакументаў».
Адправіць гэту інфармацыю ў падатковы орган можна ў электронным выглядзе пры дапамозе інфармацыйнай сістэмы APM «Плацельшчык», дзе ва ўкладцы «Заявы» знаходзіцца форма для запаўнення «Паведамленне аб руху грашовых сродкаў па адкрытых рахунках у банку і іншай крэдытнай (фінансавай) арганізацыі за межамі Рэспублікі Беларусь», якую і неабходна запоўніць.
ВАЖНА: па кожным наяўныму банку-нерэзідэнце рахунку запаўняецца асобнае паведамленне.
За непрадастаўленне звестак адказнасць прадугледжана арт. 13.8 Кодэкса Рэспублікі Беларусь аб адміністрацыйных правапарушэннях.
