Пытанне: пры якіх умовах беспрацоўным грамадзянам прадастаўляецца субсідыя для арганізацыі ўласнай справы, якія дакументы для гэтага неабходна прадаставіць?
Адказ: субсідыя прадастаўляецца беспрацоўным грамадзянам пры выкананні наступных умоў:
• дасягненне беспрацоўным грамадзянінам 18-гадовага ўзросту;
• адсутнасць у беспрацоўнага грамадзяніна парушэнняў заканадаўства аб занятасці;
• калі грамадзянін на працягу аднаго месяца з дня рэгістрацыі ў якасці беспрацоўнага не змог працаўладкавацца на прыдатную працу;
• рэгістрацыя ў якасці беспрацоўнага пасля праходжання прафесійнай падрыхтоўкі, перападрыхтоўкі, павышэння кваліфікацыі па накіраванні органаў па працы, занятасці і сацыяльнай абароне.
Для вырашэння пытання аб прадастаўленні субсідыі беспрацоўны грамадзянін падае ў органы па працы, занятасці і сацыяльнай абароне па месцы сваёй рэгістрацыі:
• заяву аб прадастаўленні субсідыі;
• тэхніка-эканамічнае, у тым ліку фінансавае, абгрунтаванне (бізнес-план) эфектыўнасці арганізацыі прадпрымальніцкай дзейнасці, дзейнасці па аказанні паслуг у сферы аграэкатурызму, рамеснай дзейнасці.