Якім арганізацыям дазволена з 28 чэрвеня 2020 г. не праводзіць штодзённы кантроль за выкананнем патрабаванняў па ахове працы?
Адказ: з 28 чэрвеня 2020 г. парадак ажыццяўлення кантролю за выкананнем работнікамі патрабаванняў па ахове працы ў арганізацыі і структурных падраздзяленнях рэгулюецца Інструкцыяй аб парадку ажыццяўлення кантролю за выкананнем работнікамі патрабаванняў па ахове працы ў арганізацыі і структурных падраздзяленнях, зацверджанай пастановай Міністэрства працы і сацыяльнай абароны Рэспублікі Беларусь ад 15.05.2020 № 51 (далей – Інструкцыя № 51).
Перыядычнасць кантролю вызначана ў п. 8 Інструкцыі № 51. Так, кантроль за выкананнем патрабаванняў па ахове працы праводзіцца:
– штодня на працоўных месцах работнікаў іх непасрэднымі кіраўнікамі;
– штомесяц у кожным структурным падраздзяленні арганізацыі кіраўнікамі гэтых структурных падраздзяленняў;
– штоквартальна ў арганізацыі кіраўніком арганізацыі або яго намеснікам з удзелам работнікаў службы аховы працы (спецыяліста па ахове працы або ўпаўнаважанай службовай асобы наймальніка, на якога ўскладзены абавязкі спецыяліста па ахове працы), членаў камісіі па ахове працы, кіраўнікоў структурных падраздзяленняў і непасрэдных кіраўнікоў, іншых работнікаў арганізацыі;
– па меры неабходнасці ў кожным структурным падраздзяленні арганізацыі работнікамі службы аховы працы (спецыялістам па ахове працы або ўпаўнаважанай службовай асобай наймальніка, на якога ўскладзены абавязкі спецыяліста па ахове працы).
Іншая перыядычнасць ажыццяўлення кантролю за выкананнем патрабаванняў па ахове працы можа быць устаноўлена ў адпаведнасці з сістэмай кіравання аховай працы ў:
– арганізацыях сферы паслуг;
– мікраарганізацыях (п. 8 Інструкцыі № 51).
