Пытанне. Пры якіх умовах шматдзетным маці ўстанаўліваецца пенсія за асаблівыя заслугі перад Рэспублікай Беларусь?
Адказ. Права на пенсію за асаблівыя заслугі перад Рэспублікай Беларусь прадастаўляецца жанчынам, якія нарадзілі і выхавалі дзевяць і больш дзяцей і ўзнагароджаным адной з наступных дзяржаўных узнагарод СССР або Рэспублікі Беларусь: ордэнам Маці, медалём «Медаль мацярынства», ордэнам «Матчына слава», ордэнам «Маці-гераіня».
Пры гэтым неабходнай умовай з’яўляецца дасягненне дзецьмі 16-гадовага ўзросту або выхаванне ў сям’і непаўналетняга дзіцяці. Пенсія за асаблівыя заслугі устанаўліваецца па дасягненні агульнаўстаноўленага пенсійнага ўзросту, а тым, хто атрымлівае пенсію па інваліднасці, – незалежна ад узросту, Камісіяй па ўстанаўленні пенсій за асаблівыя заслугі пры Савеце Міністраў Рэспублікі Беларусь (далей – Камісія) па хадайніцтве аблвыканкама.
Пенсія за асаблівыя заслугі ўстанаўліваецца ў памеры пенсіі па ўзросце, за выслугу гадоў або па інваліднасці, прызначанай у адпаведнасці з пенсійным заканадаўствам, і павышэння за асаблівыя заслугі. Памер павышэння вызначаецца ў кожным канкрэтным выпадку камісіяй у памеры ад 100 да 250 працэнтаў мінімальнага памеру пенсіі па ўзросце.