Чаму нормы працоўнага заканадаўства не распаўсюджваюцца на работнікаў, якія выконваюць работы па дагаворы падраду?
Адказ: дагавор падраду–грамадзянска-прававы дагавор, парадак заключэння і істотныя ўмовы якога рэгулююцца Грамадзянскім кодэксам Рэспублікі Беларусь (далей – ГК). Згодна з пунктам 1 артыкула 656 ГК па дагаворы падраду адзін бок (падрадчык) абавязваецца выканаць па заданні іншага боку (заказчыка) пэўную працу і здаць яе вынік заказчыку ва ўстаноўлены тэрмін, а заказчык абавязваецца прыняць вынік працы і аплаціць яе (выплаціць цану работы). Заказчык і падрадчык у дагаворы вызначаюць памер узнагароджання за вынік працы, пры гэтым мінімальныя і максімальныя памеры такога ўзнагароджання заканадаўствам не ўстаноўлены.
Улічваючы, што дагавор падраду адносіцца да дагавораў грамадзянска-прававога характару і рэгулюецца нормамі ГК, то ў адпаведнасці з артыкулам 6 Працоўнага кодэкса Рэспублікі Беларусь (далей – ПК) абавязацельствы, якія ўзнікаюць на аснове дагавораў, прадугледжаных грамадзянскім заканадаўствам, пад дзеянне працоўнага заканадаўства не трапляюць.
Грамадзянін, які выконвае працу па грамадзянска-прававым дагаворы, не можа лічыцца работнікам, паколькі,згодна з абзацам 13 артыкула 1 ПК, работнікам прызнаецца фізічная асоба, якая знаходзіцца ў працоўных адносінах з наймальнікам на падставе заключанага працоўнага дагавора.