Пытанне: У выпадку, калі сям’ёй згублена права на прызначэнне сямейнага капіталу ў сувязі з заканчэннем 6 месяцаў з дня нараджэння трэцяга дзіцяці, ці магчыма яго аднавіць? Куды трэба звяртацца?
Адказ: так, такая магчымасць з’явілася са студзеня 2020 года.
Для аднаўлення страчанага тэрміну сям’я можа звярнуцца ў мясцовы выканаўчы і распарадчы орган.
Мясцовы выканаўчы і распарадчы орган мае права аднавіць яго з улікам канкрэтных абставінаў.
Пры звароце грамадзян права на прызначэнне сямейнага капіталу разглядаецца на дату нараджэння; у выпадку ўсынаўлення (удачарэння) – на дату ўсынаўлення (удачарэння) трэцяга або наступных дзяцей, пры нараджэнні (усынаўленні, удачарэнні) якіх сям’я набыла права на прызначэнне сямейнага капіталу.
Пры гэтым дзеці ўлічваюцца ў складзе сям’і пры ўмове, калі на дзень заканчэння шасцімесячнага тэрміну яны ўвесь час пражывалі ў Рэспубліцы Беларусь.
