Праблема набыцця прафесійных навыкаў для грамадзян, якія не маюць вопыту работы, у цяперашні час вельмі актуальная.
Пастановай Міністэрства працы і сацыяльнай абароны Рэспублікі Беларусь ад 10.10.2016 № 58 зацверджана «Інструкцыя аб парадку і ўмовах працаўладкавання беспрацоўных для набыцця вопыту практычнай працы з частковай кампенсацыяй наймальнікам выдаткаў на аплату працы».
Для набыцця вопыту практычнай работы па атрыманай прафесіі (спецыяльнасці) накіроўваюцца беспрацоўныя, зарэгістраваныя ў органах па працы, занятасці і сацыяльнай абароне.Мерапрыемства распрацаванае ў мэтах стымулявання наймальнікаў да прыёму на працу беспрацоўных з ліку:
выпускнікоў устаноў адукацыі, якія атрымалі прафесійна-тэхнічную, сярэднюю спецыяльную і вышэйшую адукацыю;
асоб, якія прайшлі прафесійную падрыхтоўку або перападрыхтоўку па накіраванні органаў па працы, занятасці і сацыяльнай абароне;
асоб, якія засвоілі змест адукацыйнай праграмы павышэння кваліфікацыі рабочых (служачых), адукацыйнай праграмы перападрыхтоўкі рабочых (служачых), адукацыйнай праграмы прафесійнай падрыхтоўкі рабочых (служачых) ва ўстановах адукацыі, іншых арганізацыях, у індывідуальных прадпрымальнікаў, якім у адпаведнасці з заканадаўствам прадастаўлена права ажыццяўляць адукацыйную дзейнасць;
асоб, якія доўгі час (больш за 12 месяцаў) не працавалі ў сувязі з доглядам дзіцяці ва ўзросце да 3 гадоў, дзіцяці-інваліда ва ўзросце да 18 гадоў, а таксама дзіцяці ва ўзросце да 18 гадоў, інфікаваных вірусам імунадэфіцыту чалавека ці хворых на СНІД.
Прадугледжана магчымасць частковай кампенсацыі выдаткаў наймальнікаў па заработнай плаце беспрацоўных, накіраваных на працу ў межах названага мерапрыемства.
Фінансаванне ажыццяўляецца за кошт сродкаў бюджэту дзяржаўнага пазабюджэтнага фонду сацыяльнай абароны насельніцтва Рэспублікі Беларусь, што накіроўваюцца на фінансаванне мерапрыемстваў па забеспячэнні занятасці насельніцтва.
За кошт сродкаў бюджэту фонду кампенсуюцца:
выдаткі наймальнікаў на выплату заработнай платы грамадзянам, працаўладкаваных для набыцця вопыту практычнай працы, з улікам адпрацаванага часу ў памеры, які не перавышае мінімальную заработную плату, якая дзейнічае ў перыяд, за які выраблена налічэнне заработнай платы;
сума абавязковых страхавых узносаў у бюджэт дзяржаўнага пазабюджэтнага фонду сацыяльнай абароны насельніцтва Рэспублікі Беларусь, налічаных на заработную плату, указаную ў абзацы другім гэтай частцы.
Працаўладкаванне беспрацоўных для набыцця вопыту практычнай работы па атрыманай прафесіі (спецыяльнасці) можа ажыццяўляцца ў арганізацыях незалежна ад формаў уласнасці, за выключэннем арганізацый, дзейнасць якіх фінансуецца за кошт бюджэтных сродкаў, і ў індывідуальных прадпрымальнікаў.
З беспрацоўнымі, накіраванымі органам па працы, занятасці і сацыяльнай абароне ў межах працаўладкавання для набыцця вопыту практычнай працы, наймальнік заключае тэрміновы працоўны дагавор тэрмінам ад двух да шасці месяцаў.
