Спецыяльныя жылыя памяшканні ў дамах-інтэрнатах для дзяцей-інвалідаў з асаблівасцямі псіхафізічнага развіцця могуць прадастаўляцца дзецям-інвалідам з асаблівасцямі псіхафізічнага развіцця ва ўзросце ад 4 да 18 гадоў, якія маюць патрэбу ў пастаянным староннім доглядзе або старонняй дапамозе, бытавым абслугоўванні і медыцынскай дапамозе.
Сацыяльныя паслугі прадастаўляюцца бясплатна, за выключэннем кароткатэрміновага знаходжання, якое ажыццяўляецца на платнай аснове.
Якія дакументы неабходна прадставіць
Для прадастаўлення спецыяльнага жылога памяшкання ў дамах-інтэрнатах для дзяцей-інвалідаў з асаблівасцямі псіхафізічнага развіццяна пастаяннае або часовае пражыванне бацькі (або адзін з іх, калі сям’я няпоўная) або законны прадстаўнік прадастаўляюць у органы па працы, занятасці і сацыяльнай абароне наступныя дакументы:
• заяву;
• пашпарт грамадзяніна Рэспублікі Беларусь або пасведчанне аб нараджэнні дзіцяці;
• дакумент, які пацвярджае паўнамоцтвы законнага прадстаўніка;
• пасведчанне інваліда;
• выпіску з медыцынскіх дакументаў;
• заключэнне Дзяржаўнага цэнтра карэкцыйна-развіваючага навучання і рэабілітацыі аб тыпе дома-інтэрната і праграме навучання;
• дзве фатаграфіі 30х40 мм;
• дакументы, якія пацвярджаюць статус дзіцяці-сіраты і дзіцяці, якое засталося без апекі бацькоў;
• заключэнне УКК аб наяўнасці ў бацькоў (аднаго з бацькоў) захворвання, якое перашкаджае выкананню бацькоўскіх абавязкаў (у выпадку адабрання ў іх дзяцей па рашэнні камісіі па справах непаўналетніх на падставе рашэння суда без пазбаўлення бацькоўскіх правоў, пазбаўлення іх бацькоўскіх правоў);
• індывідуальную праграму рэабілітацыі інваліда (пры яе наяўнасці).
Органы па працы, занятасці і сацыяльнай абароне запытваюць:
• даведку аб месцы жыхарства і складзе сям’і;
• (афармляюць) даведку аб памеры пенсіі;
• копіі заключэння МРЭК, рашэння мясцовага выканаўчага і распарадчага органа аб захаванні за дзіцем жылога памяшкання, з якога ён выбыў у дом-інтэрнат для дзяцей-інвалідаў, акт абследавання матэрыяльна-бытавых умоў пражывання;
• пры звароце бацькоў (або аднаго з іх, калі сям’я няпоўная) рыхтуюць праект рашэння мясцовага выканаўчага і распарадчага органа аб прадастаўленні спецыяльнага жылога памяшкання ў дамах-інтэрнатах для дзяцей-інвалідаў.
У выпадку звароту бацькоў (або аднаго з іх, калі сям’я няпоўная) рашэнне аб прадастаўленні спецыяльнага жылога памяшкання ў дамах-інтэрнатах для дзяцей-інвалідаў прымаецца мясцовым выканаўчым і распарадчым органам базавага тэрытарыяльнага ўзроўню з улікам прапаноў камісіі, створанай ім для разгляду дадзенага пытання.
Рашэнне аб прадастаўленні спецыяльнага жылога памяшкання ў дамах-інтэрнатах для дзяцей-інвалідаў мясцовым выканаўчым і распарадчым органам прымаецца пры адсутнасці ўмоў для рэалізацыі правоў і законных інтарэсаў дзіцяці-інваліда па месцы жыхарства.
Для прадастаўлення спецыяльнага жылога памяшкання ў дамах-інтэрнатах для дзяцей-інвалідаў з асаблівасцямі псіхафізічнага развіццядля кароткатэрміновага пражывання (не больш за 56 сутак у каляндарным годзе і не больш за 28 сутак запар) бацькі (або адзін з іх, калі сям’я няпоўная) або законны прадстаўнік дзіцяці-інваліда прадастаўляе ў органы па працы, занятасці і сацыяльнай абароне наступныя дакументы:
• заяву;
• пашпарт грамадзяніна Рэспублікі Беларусь або пасведчанне аб нараджэнні дзіцяці;
• дакумент, які пацвярджае паўнамоцтвы законнага прадстаўніка;
• дакументы, якія пацвярджаюць права на льготы;
• выпіску з медыцынскіх дакументаў;
• медыцынскую даведку аб стане здароўя, якая змяшчае інфармацыю аб хваробах, аб адсутнасці кантакту дзіцяці з інфекцыйнымі хворымі;
• заключэнне Дзяржаўнага цэнтра карэкцыйна-развіваючага навучання і рэабілітацыі аб тыпе дома-інтэрната і праграме навучання;
• індывідуальную праграму рэабілітацыі інваліда (пры яе наяўнасці).
Сацыяльныя паслугі аказваюцца на падставе дагавора аказання сацыяльных паслуг, заключанага адным з бацькоў або законным прадстаўніком дзіцяці-інваліда з установай сацыяльнага абслугоўвання або ўстановай сацыяльнага абслугоўвання і трэцяй асобай, якія ўзялі на сябе абавязацельствы па аплаце сацыяльных паслуг.
Куды звяртацца
У органы па працы, занятасці і сацыяльнай абароне па месцы жыхарства грамадзяніна.
