Пытанне: у разводзе, адна выхоўваю дваіх дзяцей 2006 года нараджэння і 2011 года нараджэння, па атрыманне аліментаў не звярталася. Ці маю права на прадастаўленне дзяржаўнай адраснай сацыяльнай дапамогі ў выглядзе штомесячнай сацыяльнай дапамогі?
Адказ: для мэт Указа Прэзідэнта Рэспублікі Беларусь ад 19.01.2012 № 41 «Аб дзяржаўнай адраснай сацыяльнай дапамозе» пад штомесячнай сацыяльнай дапамозе разумеецца гарантаваная дзяржавай выплата сям’і (грамадзяніну) для павелічэння яе (яго) аб’ектыўна нізкіх даходаў да ўзроўню бюджэту пражытачнага мінімуму ў сярэднім на душу насельніцтва пры ўмове рэалізацыі сям’ёй (грамадзянінам) права на атрыманне ў адпаведнасці з заканадаўствам аліментаў на непаўналетніх дзяцей, пенсій (акрамя выпадкаў неатрымання дзяржаўнай пенсіі пры працягу працы пасля набыцця права на пенсію па ўзросце на агульных падставах у мэтах павелічэння памеру такой пенсіі), дапамог.
З улікам адзначанага, права на прадастаўленне дзяржаўнай адраснай сацыяльнай дапамогі ў выглядзе штомесячнай сацыяльнай дапамогі Вы не маеце, бо не рэалізавалі права на атрыманне аліментаў.
