Пытанне: у якіх выпадках спыняецца выплата дапамогі па доглядзе?
Адказ: у адпаведнасці з пунктам 15 Палажэння аб парадку прызначэння і выплаты дапамогі па доглядзе інваліда I групы або асобы, якая дасягнула 80-гадовага ўзросту, зацверджанага пастановай Савета Міністраў Рэспублікі Беларусь ад 06.09.2006 года № 1149, выплата дапамогі спыняецца пры наступе наступных абставінаў:
смерць альбо прызнанне ва ўстаноўленым парадку памерлым або без вестак адсутным непрацаздольнага грамадзяніна або асобы, якая ажыццяўляе догляд;
заканчэнне тэрміну, на які ўстаноўлена I група інваліднасці;
заканчэнне тэрміну, на які выдадзена заключэнне ўрачэбна-кансультацыйнай камісіі аб патрэбнасці асобы, якая дасягнула 80-гадовага ўзросту, у пастаянным доглядзе;
дасягненне асобай, якая ажыццяўляе догляд, узросту, які дае права на сацыяльную пенсію (мужчыны – 65 гадоў, жанчыны – 60 гадоў);
прызначэнне асобе, якая ажыццяўляе догляд, пенсіі (незалежна ад яе віду), дапамогі па беспрацоўі, штомесячнай страхавой выплаты ў адпаведнасці з заканадаўствам аб абавязковым страхаванні ад няшчасных выпадкаў на вытворчасці і прафесійных захворванняў, штомесячнага грашовага ўтрымання ў адпаведнасці з заканадаўствам аб дзяржаўнай службе;
заканчэнне тэрміну дзеяння віду на жыхарства ў Рэспубліцы Беларусь;
спыненне ажыццяўлення догляду, пацверджанага заявай непрацаздольнага грамадзяніна (яго законнага прадстаўніка) або актам абследавання;
паступленне асобы, якая ажыццяўляе догляд, на працу або рэгістрацыя ў якасці індывідуальнага прадпрымальніка;
паступленне асобы, якая ажыццяўляе догляд, на вучобу ў навучальную ўстанову дзённай формы атрымання адукацыі;
размяшчэнне непрацаздольнага грамадзяніна ў дзяржаўную стацыянарную арганізацыю сацыяльнага абслугоўвання, у бальніцу сястрынскага догляду або яго залічэнне ў іншай арганізацыі на дзяржаўнае забеспячэнне, сацыяльнае абслугоўванне;
выезд непрацаздольнага грамадзяніна за мяжу або перамена ім месца жыхарства (месца знаходжання), якая цягне змяненне органа, які выплачвае яму пенсію;
пастаноўка асобы, якая ажыццяўляе догляд, на псіхіятрычны і (або) наркалагічны ўлік;
выяўленне (наступленне) іншых абставінаў і (або) дакументаў, якія цягнуць спыненне выплаты дапамогі.
Звяртаем увагу, што выплата дапамогі па доглядзе спыняецца з 1-га чысла месяца, наступнага за тым, у якім наступілі вышэйпаказаныя абставіны.
