Адной са схем, якая актыўна выкарыстоўваецца нядобрасумленнымі плацельшчыкамі ў мэтах мінімізацыі падатковых абавязацельстваў, з’яўляецца выплата заработнай платы «ў канвертах» без адлюстравання звестак у падатковым і (або) бухгалтарскім уліку.
Па выніках праведзеных падатковымі органамі Магілёўскай вобласці ў першым паўгоддзі 2021 года праверак устаноўлена 19 наймальнікаў, якія выплацілі заработную плату «ў канвертах», якімі прад’яўлена да выплаты ўсяго 164,2 тыс. рублёў падаходнага падатку.
Як паказвае практыка кантрольнай работы, адной з асноўных крыніц выплаты заработнай платы «ў канвертах» з’яўляецца ўтойваемая нядобрасумленнымі суб’ектамі гаспадарання наяўная выручка.
Так, падчас правядзення выязной праверкі ў сувязі з ліквідацыяй ТАА «П» (далей – арганізацыя) устаноўлена, што наяўная выручка ад аказання паслуг па перавозцы пасажыраў, прынятая ў 2019–2020 гадах у суме больш за 125,0 тыс. рублёў, заставалася ў распараджэнні работнікаў арганізацыі ў выглядзе выплачанай заработнай платы, пры гэтым падаходны падатак з фізічных асоб арганізацыяй (падатковым агентам) з гэтых сум не ўтрымліваўся і не выплачваўся ў бюджэт.
Таксама праверкай у сувязі з адсутнасцю дакументаў, якія пацвярджаюць расходаванне астатку грашовых сродкаў у касе, грашовыя сродкі, што засталіся ў распараджэнні работнікаў арганізацыі ў суме 11,7 тыс. рублёў, прызнаныя іншымі даходамі работнікаў правяраемай арганізацыі, і падатковаму агенту – ТАА «П» прад’яўлены да выплаты падаходны падатак.
Акрамя таго, арганізацыяй дапушчана прыніжэнне падатковай базы па падатку на дабаўленую вартасць у выніку заніжэння кошту паслуг, набытых у замежнай арганізацыі на тэрыторыі Рэспублікі Беларусь; па падатку пры спрошчанай сістэме падаткаабкладання на суму выручкі ад аказання паслуг па перавозцы пасажыраў; аказанне паслуг таксі па перавозцы пасажыраў без выкарыстання касавага абсталявання з устаноўленым сродкам кантролю падатковых органаў і плацежных тэрміналаў.
Усяго па выніках праверкі прад’яўлена да выплаты падаткаў у суме 18,7 тыс. рублёў, у тым ліку падаходны падатак з фізічных асоб у суме 16,3 тыс. рублёў.
Звяртаем увагу, што з 19 чэрвеня 2021 года ўступілі ў сілу змены ў Крымінальны кодэкс Рэспублікі Беларусь (далей – КК), у адпаведнасці з якімі артыкул 243 КК «Ухіленне ад выплаты падаткаў» дапоўнены артыкулам 2431 КК «Ухіленне ад выканання абавязкаў падатковага агента па пералічэнні падаткаў, збораў».
Уведзены артыкул у першую чаргу накіраваны на спыненне выплаты заработнай платы «ў канвертах».
Так, у адпаведнасці з артыкулам 2431 КК устанаўліваецца адказнасць падатковага агента за ўхіленне ад выканання абавязку па пералічэнні падаткаў, збораў, якія падлягаюць падліку, утрыманню ў плацельшчыка і пералічэнню ў бюджэт, што пацягнула прычыненне шкоды ў буйным памеры або асабліва буйным памеры.
Даведачна: заўвагай да 25 главы КК вызначана, што буйным памерам шкоды прызнаецца памер шкоды, які на суму ў тысячу і больш разоў перавышае памер базавай велічыні, устаноўлены на дзень здзяйснення злачынства, асабліва буйным памерам шкоды – у дзве тысячы і больш разоў перавышае памер такой базавай велічыні.
Прэс-цэнтр інспекцыі МПЗ Рэспублікі Беларусь па Магілёўскай вобласці.
