Ад грамадзяніна паступіла адміністрацыйная скарга па пытанні адмаўлення гарвыканкамам у прыняцці рашэння аб працягу будаўніцтва або аб прыняцці самавольнай пабудовы ў эксплуатацыю і яе дзяржаўнай рэгістрацыі ва ўстаноўленым парадку.
Згодна з абзацам другога пункта 1 артыкула 17 Закона Рэспублікі Беларусь ад 28 кастрычніка 2008 года «Аб асновах адміністрацыйных працэдур» упаўнаважаны орган адмаўляе ў прыняцці заявы зацікаўленай асобы, калі не прадстаўлены дакументы і (або) звесткі, уключаныя ў пералікі дакументаў і (або) звестак, якія прадстаўляюцца зацікаўленымі асобамі (за выключэннем выпадку, названага ў частцы трэцяй пункта 1 артыкула 15 гэтага Закона), а таксама дакументы, названыя ў абзацах другім-сёмым пункта 2 артыкула 15 гэтага Закона, у выпадку выпатрабавання такіх дакументаў.
Згодна з падпунктам 9.4 пераліку адміністрацыйных працэдур, якія ажыццяўляюцца дзяржаўнымі органамі і іншымі арганізацыямі па заявах грамадзян, зацверджанага Указам Прэзідэнта Рэспублікі Беларусь ад 26 красавіка 2010 г. № 200 для прыняцця рашэння аб працягу будаўніцтва або аб прыняцці самавольнай пабудовы ў эксплуатацыю і яе дзяржаўнай рэгістрацыі ва ўстаноўленым парадку грамадзянін, акрамя іншых дакументаў, таксама выказвае пісьмовую згоду ўсіхпражываючых, у тым ліку часова адсутных паўналетніх грамадзян і ўласнікаў агульнай долевай уласнасці, на прыняцце ў эксплуатацыю і дзяржаўную рэгістрацыю аднакватэрнага, блакіраванага жылога дома і (або) нежылых капітальных пабудоў на прыдамавой тэрыторыі.
Гарадскім выканаўчым камітэтам пры разглядзе пытання па сутнасці ўстаноўлена, што адсутнічае пісьмовая згода аднаго з уласнікаў, г.зн. згода ўласніка(аў) прыналежнай долі капітальнага будынка неабходная ў адпаведнасці з заканадаўствам.
На падставе выкладзенага лічым, што з боку гарадскога выканаўчага камітэта парушэнняў заканадаўства аб адміністрацыйных працэдурах не дапушчана.
Разам з тым, адмаўленне гарвыканкама ў ажыццяўленні адміністрацыйнай працэдуры, прадугледжанай падпунктам 9.4 пераліку адміністрацыйных працэдур, якія ажыццяўляюцца дзяржаўнымі органамі і іншымі арганізацыямі па заявах грамадзян, зацверджанага Указам Прэзідэнта Рэспублікі Беларусь ад 26 красавіка 2010 г. № 200, не перашкаджае паўторнаму звароту заяўніка ва ўпаўнаважаны орган пасля ліквідацыі недахопаў, якія з’явіліся прычынай адмаўлення.