Доступ да кантакт-цэнтра падатковых органаў Рэспублікі Беларусь арганізаваны па адзіным кароткім нумары 189 для ўсіх аператараў сувязі (А1, МТС, Life, Белтэлекам).
Кантакт-цэнтр функцыянуе ў рабочыя дні з 9.00 да 18.00.
Аператары кантакт-цэнтра растлумачаць:
фізічным асобам – пытанні вылічэння і выплаты падаходнага падатку з фізічных асоб, зямельнага падатку і падатку на нерухомасць, парадку ажыццяўлення відаў дзейнасці без рэгістрацыі ў якасці ІП, у сферы аграэкатурызму, рамеснай дзейнасці;
індывідуальным прадпрымальнікам – пытанні парадку прымянення агульнаўстаноўленай сістэмы падаткаабкладання, спрошчанай сістэмы падаткаабкладання, адзінага падатку з ІП, пытанні, якія рэгулююць парадак прыёму наяўных грашовых сродкаў.
Юрыдычным асобам і індывідуальным прадпрымальнікам – акажуць тэхнічную падтрымку электроннага сэрвісу «Асабісты кабінет юрыдычных асоб і ІП», сістэмы электроннага дэкларавання», АРМа «Плацельшчык – Мытны саюз», фізічным асобам – тэхнічную падтрымку электроннага сэрвісу «Асабісты кабінет фізічных асоб».
Таксама аператары кантакт-цэнтра:
прапануюць даведачную інфармацыю аб стаўках, тэрмінах выплаты падаткаў (збораў), тэрмінах прадстаўлення падатковых дэкларацый (разлікаў), рэквізітаў для выплаты падаткаў (збораў), іншых пытанняў у дачыненні да дзейнасці ІП, якія адносяцца да кампетэнцыі падатковых органаў;
прымуць паведамленні аб фактах парушэння падатковага і іншага заканадаўства, кантроль за выкананнем якога ўскладзены на падатковыя органы, у тым ліку аб фактах выплаты заработнай платы «ў канвертах»;
прымуць прапановы па ўдасканаленні падатковага заканадаўства.
Прэс-цэнтр інспекцыі МПЗ Рэспублікі Беларусь па Магілёўскай вобласці