У адпаведнасці з пастановай Савета Міністраў Рэспублікі Беларусь і Нацыянальнага банка Рэспублікі Беларусь ад 15 лістапада 2021 г. № 647/11 «Аб змяненні пастановы Савета Міністраў Рэспублікі Беларусь і Нацыянальнага банка Рэспублікі Беларусь ад 6 ліпеня 2011 г. № 924/16» з 18 мая 2022 г. у суб’ектаў гаспадарання ўзнікае абавязак прымянення касавага абсталявання для прыёму наяўных грашовых сродкаў пры ажыццяўленні рознічнага гандлю харчовымі таварамі, у тым ліку сельскагаспадарчай прадукцыяй, на кірмашах, гандлёвых месцах на рынках.
Для забеспячэння патрабаванняў заканадаўства па выкарыстанні касавага абсталявання суб’ектам гаспадарання неабходна загадзя:
набыць касавыя падсумавальныя апараты (далей – касавыя апараты) або праграмныя касы;
заключыць з рэспубліканскім унітарным прадпрыемствам «Інфармацыйна-выдавецкі цэнтр па падатках і зборах» (далей – РУП ІВЦ) грамадзянска-прававы дагавор на рэгістрацыю і інфармацыйнае абслугоўванне касавага абсталявання ў сістэме кантролю касавага абсталявання (далей – СККА).
Інфармацыя аб мадэлях касавых апаратаў, дазволеных да выкарыстання на тэрыторыі Рэспублікі Беларусь, змяшчаецца ў Дзяржаўным рэестры мадэляў (мадыфікацый) касавых падсумоўвальных апаратаў і спецыяльных камп’ютарных сістэм, якія выкарыстоўваюцца на тэрыторыі Рэспублікі Беларусь, на афіцыйным сайце Дзяржаўнага камітэта па стандартызацыі.
Інфармацыя аб аператарах праграмных касавых сістэм, праграмных касавых сістэмах і праграмных касах, дапушчаных да выкарыстання на тэрыторыі Рэспублікі Беларусь, размешчана ў глабальнай камп’ютарнай сетцы Інтэрнэт на афіцыйным сайце РУП ІІЦ (info-center.by).
Перад зваротам у РУП ІВЦ суб’ектам гаспадарання:
якія маюць намер выкарыстоўваць касавы апарат, неабходна заключыць дагавор з цэнтрам тэхнічнага абслугоўвання і рамонту касавых апаратаў на тэхнічнае абслугоўванне і рамонт касавага апарата;
маюць намер выкарыстоўваць праграмную касу, неабходна заключыць дагавор з аператарам праграмнай касавай сістэмы.
Адсутнасць касавага абсталявання або яго невыкарыстанне пры продажы тавараў, выкананні работ, аказанні паслуг у выпадках, калі яго прымяненне абавязковае, у адпаведнасці з артыкулам 13.15 Кодэкса Рэспублікі Беларусь аб адміністрацыйных правапарушэннях цягне накладанне штрафу ў памеры да 50 базавых велічынь, на індывідуальнага прадпрымальніка – да 100 базавых велічынь, а на юрыдычную асобу – да 200 базавых велічынь.
Акрамя таго, індывідуальным прадпрымальнікам, якія не маюць бягучага (разліковага) рахунку ў банку, у якіх паўстане абавязак выкарыстання касавага абсталявання, неабходна будзе адкрыць такі рахунак у адпаведнасці з патрабаваннямі пункта 1 Указа Прэзідэнта Рэспублікі Беларусь ад 22.02.2000 № 82 «Аб некаторых мерах па ўпарадкаванні разлікаў у Рэспубліцы Беларусь».
Прэс-цэнтр інспекцыі МПЗ Рэспублікі Беларусь па Магілёўскай вобласці
Пресс-центр инспекции МНС Республики Беларусь по Могилевской области
