ААТ «Рассвет імя К. П. Арлоўскага» адсвяткавала 75-годдзе ўтварэння гаспадаркі

У аграгарадку Мышкавічы Кіраўскага раёна 24 жніўня адбылося свята, прымеркаванае да 75-годдзе ўтварэння ААТ «Рассвет імя К. П. Арлоўскага».

Гаспадарка была створана ў 1945 годзе Кірылам Пракопавічам Арлоўскім як калгас «Рассвет» Кіраўскага раёна. Цэнтр гаспадаркі-аграгарадок Мышкавічы.

Першы кіраўнік Кірыл Арлоўскі родам з Мышкавічаў. Да 1945 года кіраваў дыверсійным партызанскім атрадам у Польшчы, удзельнічаў у грамадзянскай вайне ў Іспаніі, быў савецкім разведчыкам ў Кітаі, кіраўніком партызанскага атрада ў час Вялікай Айчыннай вайны. Пазбавіўшыся абедзвюх рук, ён не ўпаў духам і ўзначаліў сельгаспрадпрыемства. Акрамя двух Залатых Зорак Героя быў удастоены пяці ордэнаў Леніна двух ордэнаў Працоўнага Чырвонага Сцяга і шматлікіх медалёў.

Фота - БЕЛТА