Традыцыйная абласная спартакіяда падлеткаў «Праз спорт і зносіны – да здароўя кожнага» прайшла ў Магілёве на базе сярэдняй школы №45. У спаборніцтве прынялі ўдзел чатыры каманды: зборныя горада на Дняпры і Бабруйска, ваенна-патрыятычнага праваслаўнага клуба «Сокал» і Магілёўскага дзяржаўнага прафесійна-тэхнічнага вучылішча №2 дрэваапрацоўкі. У склад кожнай уваходзілі хлопцы, з якімі інспекцыя па справах непаўналетніх праводзіць індывідуальна-прафілактычную працу. Змагаліся каманды ў некалькіх эстафетах. Перамогу ў чарговы раз атрымалі «спяцы» (вучылішча №2 дрэваапрацоўкі). Перапынкі паміж спаборніцтвамі запаўнялі канцэртныя і спартыўна-акрабатычныя нумары, падрыхтаваныя дзіцячымі і падлеткавымі калектывамі. Перад спартыўнай часткай свята ў фае сярэдняй школы працавалі тэматычныя пляцоўкі, у тым ліку па бяспечных паводзінах. Арганізатарамі спаборніцтваў выступілі Галоўнае ўпраўленне ідэалагічнай работы, культуры і па справах моладзі, камісія па справах непаўналетніх Магілёўскага аблвыканкама, упраўленне ўнутраных спраў Магілёўскага аблвыканкама, абласны камітэт грамадскага аб’яднання «Беларускі рэспубліканскі саюз моладзі».
Пры выкарыстанні матэрыялаў актыўная гіперспасылка на mogilev-region.gov.by абавязковая