Навагодняе дабрачыннае свята сабрала сёння ў Магілёўскім абласным цэнтры творчасці дзяцей з усяго Прыдняпроўскага краю. У ліку запрошаных дзеці-сіроты, дзеці, якія засталіся без апекі бацькоў, дзеці з асаблівасцямі псіхафізічнага развіцця, якія навучаюцца ў цэнтрах карэкцыйна-развіваючага навучання і рэабілітацыі, а таксама дзеці з Луганскай вобласці, якія знаходзяцца зараз на аздараўленні ў нашым рэгіёне. Павіншаваць хлопчыкаў і дзяўчынак прыехаў намеснік старшыні Магілёўскага аблвыканкама Валерый Малашка. Дарэчы, свята адбылося ў рамках правядзення рэспубліканскай акцыі «Нашы дзеці» і абласнога дабрачыннага марафону «Сагрэем дзіцячыя сэрцы».
Фота Галіны Гаўрыловіч
Пры выкарыстанні матэрыялаў актыўная гіперспасылка на mogilev-region.gov.by абавязковая
