Звыш 20 дзіцячых інтэрактыўных пляцовак па ўсёй Магілёўшчыне пачалі сёння сваю працу.
У межах абласной акцыі «Нашчадкам Вялікай Перамогі!» напярэдадні Дня Незалежнасці адбылося іх урачыстае адкрыццё з удзелам прадстаўнікоў органаў выканаўчай і прадстаўнічай улады. Маштабны праект прымеркаваны да Года гістарычнай памяці. У кожным раённым цэнтры моладзь і мясцовыя жыхары, грамадскія аб’яднанні і арганізацыі сумеснымі намаганнямі стварылі сучасныя пляцоўкі, якія дазволяць дзецям не толькі весела бавіць час, але і вывучаць гісторыю свайго рэгіёна. Кожны горад самастойна выбіраў назву сваёй пляцоўкі і яе канцэпцыю. І сёння ва ўрачыстай абстаноўцы яны былі перададзены сваім паўнапраўным гаспадарам – дзецям.
Рэд.
Пры выкарыстанні матэрыялаў актыўная гіперспасылка на mogilev-region.gov.by абавязковая
