Старшыня Магілёўскага аблвыканкама Анатоль Ісачанка прыняў удзел у цырымоніі адкрыцця спаборніцтваў па каратэ ў праграме II Гульняў краін СНД. Ва ўрачыстым адкрыцці ўдзельнічалі намеснік старшыні Пастаяннай камісіі Савета Рэспублікі па адукацыі, навуцы, культуры і сацыяльным развіцці Дзмітрый Баскаў, міністр антыманапольнага рэгулявання і гандлю, старшыня Беларускай федэрацыі каратэ Аляксей Багданаў, намеснік міністра спорту і турызму Аляксандр Барауля і іншыя ганаровыя госці. Пасля адкрыцця адбыліся паядынкі за выхад у фінал у вагавых катэгрыях у жанчын да 50 і да 55 кг, у мужчын - да 60, да 67 і да 75 кг, фінальныя сутычкі і цырымонія ўзнагароджання.
Пры выкарыстанні матэрыялаў актыўная гіперспасылка на mogilev-region.gov.by абавязковая
