Арт-праект «Кропка прыцягнення» беларускага мастака Віктара Альшэўскага, прымеркаваны да Года малой радзімы, адкрыўся 16 лістапада ў Магілёўскім абласным мастацкім музеі імя П. В. Масленікава. Экспазіцыя ў магілёўскім Музеі ўключае больш за 90 палотнаў. Цэнтральнае месца сярод іх займае канструкцыя «Фрагменты Вавілонскай вежы», якая ў вышыню дасягае 4,3 м. Па яе перыметры размясціліся 52 палатны розных формаў і памераў, на якіх, як у яркім калейдаскопе, паўсталі вобразы гістарычных помнікаў і артэфактаў, сімвалы розных краін і эпох, аб’екты архітэктуры, геаметрычныя фігуры. Віктар Альшэўскі ствараў уласную «Вавілонскую вежу» з 2003 года. У такім выглядзе карціны мастака прэзентаваны ўпершыню ў Беларусі. А дапамог аўтару ўвасобіць ідэю ў жыццё скульптар і мастак Уладзімір Канонік.
Пры выкарыстанні матэрыялаў актыўная гіперспасылка на mogilev-region.gov.by абавязковая
