Прадстаўнікі Магілёўскага абласнога аддзялення РГА «Беларускі дзіцячы фонд» правялі акцыю «Цяпер я – у першым класе». Мерапрыемства адбылося ў Магілёўскім абласным тэатры лялек, куды былі запрошаны выхаванцы адзінаццаці дзіцячых сямейных дамоў з усяго рэгіёна, у якіх пражывае 13 першакласнікаў. Для дзяцей арганізавалі свята, якое ўключала ў сябе экскурсію па лялечным тэатры, лялечнае прадстаўленне і ўручэнне падарункаў. Як адзначыла дырэктар абласнога аддзялення «Беларускага дзіцячага фонду» Ірына Фісюк, актыўны ўдзел у акцыі прынялі органы выканаўчай улады, прадстаўнікі розныя арганізацый і жыхары Магілёўшчыны. Гэта дазволіла падрыхтаваць добрыя падарункі (канцтавары, адзенне і гульні) як для першакласнікаў, так і для астатніх выхаванцаў дзіцячых дамоў сямейнага тыпу. Да пачатку навучальнага года 54 сямейныя дзіцячыя дамы папоўняцца спартыўнымі комплексамі са шведскімі сценкамі.
Фота Галіны Гаўрыловіч
Пры выкарыстанні матэрыялаў актыўная гіперспасылка на mogilev-region.gov.by абавязковая