Ушанаванне работнікаў сельскай гаспадаркі і перапрацоўчай прамысловасці АПК рэгіёна адбылося 19 лістапада ў малой зале Палаца культуры вобласці. Узнагароджанне стала часткай абласнога фестывалю-кірмашу працаўнікоў вёскі «Дажынкі-2021». Першы намеснік старшыні аблвыканкама Анатоль Уласевіч падзякаваў работнікам хлебнай Нівы за працу і ўручыў пераможцам абласнога спаборніцтва за дасягненне высокіх паказчыкаў на ўборцы ўраджаю збожжавых і зернебабовых раслін у 2021 годзе тым, хто заняў 2-е і 3-е месцы, дыпломы. Шэраг спецыялістаў галіны быў узнагароджаны ганаровымі граматамі і падзякамі Магілёўскага абласнога выканаўчага камітэта, Магілёўскага абласнога Савета дэпутатаў, прафсаюза работнікаў аграпрамысловага комплексу, юбілейным медалём «100 год органам дзяржаўнага кіравання сельскай гаспадаркай і харчаваннем Беларусі» і інш.
Фота Галіны Гаўрыловіч
Пры выкарыстанні матэрыялаў актыўная гіперспасылка на mogilev-region.gov.by абавязковая
