У Рэспубліканскім цэнтры алімпійскай падрыхтоўкі «Стайкі» ўзнагародзілі пераможцаў рэспубліканскай спартакіяды «Здароўе» сярод супрацоўнікаў СМІ. Удзельнікі каманды Магілёўскай вобласці двойчы паднімаліся на пастамент. У гіравым спорце Аляксандр Кніга заняў трэцяе месца, Алена Дзівакова атрымала бронзу за дартс сярод кіраўнікоў. Акрамя таго, зборная атрымала спецыяльны прыз «Надзея года». Узнагароды ўручыў першы намеснік Міністра інфармацыі Беларусі Андрэй Кунцэвіч. Па выніках усіх відаў спаборніцтваў Магілёўскай вобласці заняла 9-е месца ў агульнакамандным заліку і 2-е сярод каманд абласных выканаўчых камітэтаў. Дарэчы, сёлета ўдзельнікамі спартыўнага спаборніцтва сталі 20 каманд і каля 500 чалавек. Каманды спаборнічалі ў валейболе, міні-футболе, настольным тэнісе, лёгкаатлетычным кросе, гіравым спорце, перацягванні каната, дартсе, стральбе з пнеўматычнай вінтоўкі.
Фота Галіны Гаўрыловіч
Пры выкарыстанні матэрыялаў актыўная гіперспасылка на mogilev-region.gov.by абавязковая
