Юбілей фестывалю, прысвечанага глінянай цаццы-свістульцы, майстэрства вырабу якой адраджаюць на крычаўскай зямлі, сабраў разам беларускіх і расійскіх майстроў: пачаткоўцаў і вопытных, юных і забеленых сівізной. Сёлета ў журы не было строгай тэмы для лепкі. Ідэйныя арганізатары конкурсу – народны майстар Беларусі Вячаслаў Якавенка і член Беларускага саюза майстроў народнай творчасці Любоў Яшчанка – лічаць, што натхненне – самае галоўнае. Удзельнікі спаборніцтва стваралі тое, што прыдумалі: ад насценных пано да канька-свістулькі. І вядома, галоўным стала не прызавое месца, а магчымасць пагутарыць з аднадумцамі. На выставе-кірмашы, акрамя розных варыянтаў гліняных крычаўскіх качка-коней, былі таксама лялькі-абярэгі, мудрагелістыя статуэткі, карціны і разнастайныя стравы беларускай нацыянальнай кухні.
Пры выкарыстанні матэрыялаў актыўная гіперспасылка на mogilev-region.gov.by абавязковая