Гран-пры конкурсу харавых і вакальных калектываў XXIII Міжнароднага фестывалю духоўнай музыкі «Магутны Божа» ўдастоены хор студэнтаў Магілёўскага філіяла Беларускай дзяржаўнай акадэміі музыкі. Мастацкі кіраўнік і дырыжор – Ірына Пякарская. Усяго ў творчым спаборніцтве прыняло ўдзел 14 дзіцячых і дарослых калектываў з Расіі і Беларусі. У склад журы ўвайшлі старшыня праўлення Беларускай асацыяцыі харавых дырыжораў загадчык кафедры харавога дырыжыравання дацэнт Інэса Бадзяка, дырыжор Дзяржаўнага хору «Вільня» дацэнт Акадэміі музыкі Каўнаскага ўніверсітэта Вітаўта Вялікага Артурас Дамбраўскас, заслужаны артыст РСФСР, заслужаны дзеяч мастацтваў РФ прафесар Маскоўскай дзяржаўнай кансерваторыі імя П. І. Чайкоўскага Станіслаў Калінін.
Фота - mogilevnews.by
Пры выкарыстанні матэрыялаў актыўная гіперспасылка на mogilev-region.gov.by абавязковая
