У Магілёўскім аблвыканкаме 2 снежня ў рэжыме анлайн адбыўся IV Пленум праўлення Магілёўскага абласнога аддзялення ГА «Беларускі фонд міру». У мерапрыемстве прынялі ўдзел старшыня Магілёўскага абласнога Савета дэпутатаў Ірына Раінчык, намеснік старшыні Магілёўскага аблвыканкама Валерый Малашка, начальнік галоўнага ўпраўлення ідэалагічнай работы па справах моладзі Магілёўскага аблвыканкама Кацярына Музычэнка, памочнік старшыні праўлення ГА «Беларускі фонд міру» Вікторыя Тройніч, старшыня праўлення Магілёўскага абласнога аддзялення Беларускага Фонду міру Андрэй Нікіцін, намеснікі старшыняў камітэтаў, упраўленняў, аддзелаў аблвыканкама, гар- і райвыканкамаў, адміністрацый раёнаў Магілёва і Бабруйска, начальнікі аддзелаў ідэалагічнай работы і па справах моладзі гарадскіх і раённых выканкамаў, старшыні раённых арганізацый ГА «Беларускі фонд міру» і інш. Удзельнікі пасяджэння абмеркавалі вынікі працы абласнога аддзялення і раённых арганізацый за мінулы год. Таксама прагаварылі некаторыя пытанні па ўдасканаленні далейшай дзейнасці. Падчас пленарнага пасяджэння прагучаў зварот людзей добрай волі Магілёўшчыны ў сувязі з міграцыйным крызісам на мяжы. Па заканчэнні афіцыйнай часткі адбылася цырымонія ўзнагароджання членаў, актывістаў, ветэранаў абласной арганізацыі.
Фота Галіны Гаўрыловіч
Пры выкарыстанні матэрыялаў актыўная гіперспасылка на mogilev-region.gov.by абавязковая
