Другі рэгіянальны мастацкі конкурс «Майстэрня талентаў» праходзіць 3 красавіка ў Магілёўскім дзяржаўным каледжы мастацтваў. У творчым спаборніцтве ўдзельнічаюць дзеці, якія займаюцца ў мастацкіх школах Магілёўскай вобласці. Конкурс праводзіцца з мэтай выяўлення найбольш таленавітых і крэатыўных дзяцей, якія захочуць звязаць сваё далейшае жыццё з мастацтвам. На працягу аднаго дня ўдзельнікі павінны выканаць малюнак і жывапіс, а таксама даць работы па кампазіцыі. На падставе трох дысцыплін кампетэнтнае журы абярэ пераможцаў у дзвюх узроставых катэгорыях (10–12 і 13–15 год). У склад знатакоў дзіцячай творчасці ўвайшлі загадчыца філіяла Нацыянальнага мастацкага музея Беларусі «Музей В. К. Бялыніцкага-Бірулі» Святлана Строгіна (старшыня журы), старшыня Магілёўскага аддзялення Беларускага саюза мастакоў Андрэй Вараб’ёў (намеснік старшыні журы), член Беларускага саюза мастакоў Юрый Несцярук, а таксама выкладчыкі каледжа мастацтваў Алена Данілава і Алена Папуцьева.
Фота Галіны Гаўрыловіч
Пры выкарыстанні матэрыялаў актыўная гіперспасылка на mogilev-region.gov.by абавязковая