У Горацкім раёне 12 кастрычніка адбыліся ўрачыстыя мерапрыемствы, прысвечаныя 76-й гадавіне бітвы пад Леніна. У мерапрыемстве прыняла ўдзел польская дэлегацыя, а таксама кіраўніцтва Магілёўскага аблвыканкама, Горацкага райвыканкама, удзельнікі Вялікай Айчыннай вайны, прадстаўнікі працоўных калектываў, грамадскасць і моладзь. Да магіл савецкіх і польскіх воінаў былі ўскладзены вянкі і кветкі. Каля Музея савецка-польскай баявой садружнасці адбыўся ўрачысты мітынг.
12 кастрычніка 1943 года ля беларускага пасёлка Леніна ў свой першы бой з фашыстамі плячом да пляча з байцамі Чырвонай Арміі ўступілі воіны створанай на тэрыторыі СССР Першай польскай дывізіі пяхоты імя Тадэвуша Касцюшкі пад камандаваннем генерала Зігмунда Берлінга. Агульная колькасць польскіх злучэнняў складала каля 12 тыс.чалавек. Бітва пад Леніна стала сімвалам савецка-польскага баявога братэрства, народжанага ў барацьбе з агульным ворагам.
Фота Міхаіла Ляўцова, gorkiv.by
Пры выкарыстанні матэрыялаў актыўная гіперспасылка на mogilev-region.gov.by абавязковая