У Магілёўскім драмтэатры 9 мая паказалі літаратурную музычна-пластычную кампазіцыю паводле паэмы «Марыйка». У ёй рэаліі вайны паказаны праз прызму перажыванняў вясковай дзяўчыны Марыйкі, якая цудам ацалела, але страціла падчас карнай аперацыі фашыстаў сваіх блізкіх. Прататыпам гераіні стала мама пісьменніка, старшыні Магілёўскага абласнога аддзялення Саюза пісьменнікаў Беларусі Аляксандра Казекі, аўтара «Марыйкі». А вёска Боркі Кіраўскага раёна, якую фашысты спалілі 15 чэрвеня 1942 года (разам з ёй яны сцерлі з зямлі 6 прылеглых да Борак пасёлкаў: Закрынічча, Хватаўку, Дзяржынскі, Пралетарскі, Чырвоны Араты і Доўгае Поле, знішчылі 2 тысячы 27 чалавек) – прататыпам усіх «вогненных вёсак».
Пры выкарыстанні матэрыялаў актыўная гіперспасылка на mogilev-region.gov.by абавязковая