Урачыстае адкрыццё новай школы № 46 прайшло 2 верасня ў мікрараёне Казіміраўка ў Магілёве. На святочнай лінейцы адбылася цырымонія ўзнагароджання будаўнікоў, якія прынялі актыўны ўдзел ва ўзвядзенні аб’екта. Ад аблвыканкама ўстанова адукацыі атрымала ў падарунак мячы для спартыўнай залы, а ад гарвыканкама – сертыфікат на абсталяванне для догляду прылеглай тэрыторыі.
Сёлета за парты новай школы села 650 вучняў, у тым ліку 160 першакласнікаў. У межах праекта «Электронная школа» тут створана адукацыйнае інфармацыйнаеасяроддзе на аснове воблачных тэхналогій, укаранёны электронныя адукацыйныя рэсурсы, сучасныя тэхналогіі інфармацыйнай бяспекі. Новая школа абсталявана камп’ютарным і інтэрактыўным абсталяваннем, тут створана безбар’ернае асяроддзе і развітая спартыўная інфраструктура. Праектам закладзена прасторная сталовая, спартыўная, гімнастычная і актавая залы. Паколькі школа знаходзіцца ў вялікім спальным мікрараёне, прадугледжаны спартыўныя і дзіцячыя гульнявыя пляцоўкі. Пабудаваны стадыён і бегавыя дарожкі.
Фота - mogilevnews.by
Пры выкарыстанні матэрыялаў актыўная гіперспасылка на mogilev-region.gov.by абавязковая