Перапахаванне астанкаў воіна-абаронцы Айчыны адбылося 8 мая ў Магілёве падчас урачыстага мітынгу на мемарыяльным комплексе «Лагер смерці», размешчаным па праспекце Шміта. У мерапрыемстве прынялі ўдзел прадстаўнікі выканаўчай улады, прадпрыемстваў і грамадскіх арганізацый горада, моладзь.
Імя воіна, астанкі якога з ушанаваннямі перапахавалі напярэдадні Дня Перамогі, на жаль, невядомае. За яго магілай з 1944 года даглядала некалькі пакаленняў сям’і Касцюшка, на агародзе якой па вуліцы Першамайскай у дні вызвалення горада і пахавалі салдата. У 2018 годзе яны ж звярнуліся з просьбай перапахаваць чырвонаармейца з ушанаваннямі ў брацкай магіле.
Па матэрыяле mogilev-region.gov.by
Пры выкарыстанні матэрыялаў актыўная гіперспасылка на mogilev-region.gov.by абавязковая