Члены Магілёўскага абласнога аддзялення грамадскага аб’яднання «Саюз пісьменнікаў Беларусі» прынялі ўдзел у XVIII Мінскай міжнароднай кніжнай выставе-кірмашы. Падчас мерапрыемства пісьменніца, рэжысёр, драматург Алёна Беланожка прыняла ўдзел у гутарцы за круглым сталом «Кніга і слова. Погляд у будучыню», арганізатарам якога выступіў Пастаянны Камітэт Саюзнай дзяржавы. Літаратары Аляксандр Казека, Вольга Бялова, Алена Кісель, Жанна Міус, Уладзімір Ясеў і Валянціна Габрусева, удзельнічаючы ў дабрачыннай акцыі «Кніга для сябра», перадалі творы магілёўскіх аўтараў выхаванцам спецыяльнай агульнаадукацыйнай школы № 18 Мінска (для дзяцей з асаблівасцямі моўнага развіцця). На пляцоўцы «Нацыянальны стэнд» майстры слова Прыдняпроўскага краю сумесна з выхаванцамі тэатральнай студыі «У кропку» дзіцячай школы мастацтваў № 1 прэзентавалі абласное аддзяленне пад дэвізам «У адзінстве – наша сіла». Акрамя таго, Уладзімір Ясеў быў удастоены дыплома пераможцы па выніках конкурсу фантастычнага аповеду, абвешчанага секцыяй прыгодніцкай і дэтэктыўнай літаратуры Саюза пісьменнікаў Беларусі. Яго апавяданне «Выкуп ваўкалака» высока ацанілі члены журы.
Фота Галіны Гаўрыловіч
Пры выкарыстанні матэрыялаў актыўная гіперспасылка на mogilev-region.gov.by абавязковая
