У Магілёве сёння адбылася прэс-канферэнцыя па пытаннях падрыхтоўкі правядзення спаборніцтваў каратэ ў праграме ІІ Гульняў краін СНД. Уся падрыхтоўка да спаборніцтваў завершана. У спартыўным комплексе «Алімпіец» абсталяваны спаборніцкая зона, якая знаходзіцца ў гульнявой зале, і разміначная ў лёгкаатлетычным манежы. На 2 дні - 12 і 13 жніўня Магілёў зноў пагрузіцца ў спартыўныя баталіі. Жыхары і госці горада змогуць стаць сведкамі найпрыгажэйшых паядынкаў, як у зале «Алімпійца», так і на вялікім маніторы ў фан-зоне, размешчанай у скверы 40-годдзя Перамогі. Уваход у спартыўны комплекс для гледачоў - вольны.
Фота Галіны Гаўрыловіч
Пры выкарыстанні матэрыялаў актыўная гіперспасылка на mogilev-region.gov.by абавязковая