21 рэгіянальная сустрэча ветэранаў вайны ў Афганістане Бялыніцкага, Круглянскага, Магілёўскага і Шклоўскага раёнаў адбылася 8 лютага ў Буйнічах. Памятнае мерапрыемства прайшло на базе прафесійнага агралесатэхнічнага каледжа імя К. П. Арлоўскага. У рэгіянальнай сустрэчы прынялі ўдзел ветэраны афганскай вайны, родныя і блізкія загінуўшых, прадстаўнікі ўлады, кіраўнікі афганскіх арганізацый, вайсковыя часткі. Разам з імі ля памятнага знака загінуўшым у Афганістане ўраджэнцам Магілёўскага раёна таксама сабраліся навучэнцы. Яны ўсклалі кветкі і вянкі да мемарыяла, успомнілі пра падзеі тых далёкіх дзён. Пасля мітынгу і паказальных выступленняў вайскоўцаў сіл спецыялізаваных аперацый адбыўся святочны канцэрт і прыём ветэранаў вайны ў Афганістане старшынёй Магілёўскага райвыканкама Анатолем Дуцько. Традыцыйна воінам-інтэрнацыяналістам, якія праявілі сябе ў добрасумленнай працы на карысць краіны і грамадзянска-патрыятычным выхаванні моладзі, уручылі ганаровыя граматы.
Фотаздымкi - mogilevnews.by
Пры выкарыстанні матэрыялаў актыўная гіперспасылка на mogilev-region.gov.by абавязковая