Рэгіянальны фестываль народнай творчасці промыслаў і рамёстваў «Дрыбінскія таржкі» юбілейным дзясятым разам прайшоў у райцэнтры. Дзеля свята многія мэтанакіравана прыязджалі з іншых гарадоў. Наведвальнікі прызнаюцца, што іх прываблівае непаўторная душэўная атмасфера і хатняя ветлівасць. Госці маглі набыць народныя сувеніры: гліняную фігурку, якая прыносіць поспех, саламяны капялюш або вышыты ручнік. А кулінарным гурманам і моднікам прапаноўвалася разнастайнасць незвычайнай гарбаты і мясцовых страў, а таксама біжутэрыі. Маленькіх наведвальнікаў прываблівалі цікавымі конкурсамі і атракцыёнамі. Запамінальнай разыначкай многія заслужана лічаць парад. Сваім яркім выхадам майстры, здаецца, змаглі зрабіць сапраўдны фурор. Самім жа рамеснікам было прыемна дзяліцца як сваімі творамі, так і вопытам, што яшчэ больш дадавала «Дрыбінскім таржкам» душэўнай непаўторнай атмасферы.
Пры выкарыстанні матэрыялаў актыўная гіперспасылка на mogilev-region.gov.by абавязковая
