У Магілёве 8 снежня на базе ААТ «Задняпроўскі межаграсэрвіс» прайшоў рэспубліканскі семінар, прысвечаны рамонту і падрыхтоўцы сельскагаспадарчай тэхнікі да працы ў 2022 годзе. У мерапрыемстве прынялі ўдзел прадстаўнікі міністэрстваў сельскай гаспадаркі і харчавання, прамысловасці; камітэтаў па сельскай гаспадарцы і харчаванні аблвыканкамаў; РА «Белаграсэрвіс»; заводаў-вытворцаў і рамонтных прадпрыемстваў. Госці азнаёміліся з матэрыяльна-тэхнічнай базай ААТ «Задняпроўскі межаграсэрвіс», арганізацыяй рамонту энерганасычаных трактароў, кормаўборачнай і збожжаўборачнай тэхнікі, работ па правядзенні тэхнічнага абслугоўвання ў гарантыйны і паслягарантыйны перыяды і інш. Пасля практычнай часткі адбылося пленарнае пасяджэнне з абмеркаваннем тэматычных пытанняў.
Фота Галіны Гаўрыловіч
Пры выкарыстанні матэрыялаў актыўная гіперспасылка на mogilev-region.gov.by абавязковая