Бібліятэка імя Д. Р. Новікава падрыхтавала выставу ў межах праекта «Мая акадэмія, мая гісторыя, мая будучыня», прымеркаванага да 180-годдзя БДСГА. Экспазіцыя запрашае ажыццявіць своеасаблівае падарожжа ў мінулае акадэміі – пачынаючы з сярэдзіны пазамінулага стагоддзя. Наведвальнікі змогуць убачыць рэдкія архіўныя фатаграфіі розных гадоў, пагартаць старыя кнігі, рукапісы і падшыўкі, пазнаёміцца з рознымі вехамі гісторыі Горацкай ВНУ. Выстава арганізавана сумеснымі намаганнямі бібліятэкі, музея гісторыі акадэміі і Горацкага раённага гісторыка-этнаграфічнага музея. Экспазіцыя будзе працаваць у акадэмічнай бібліятэцы на другім паверсе ў кабінеце № 9 да кастрычніка.
Пры выкарыстанні матэрыялаў актыўная гіперспасылка на mogilev-region.gov.by абавязковая
