Семінар ідэалагічных работнікаў вобласці па тэме «Увекавечанне памяці загінуўшых пры абароне Айчыны і генацыдзе беларускага народа ў гады Вялікай Айчыннай вайны. Вопыт і задачы ідэалагічнай вертыкалі» прайшоў сёння ў Магілёве. У мерапрыемстве прынялі ўдзел галоўныя спецыялісты аддзелаў ідэалагічнай работы (культуры) і па справах моладзі гаррайвыканкамаў і адміністрацый раёнаў, прадстаўнікі абласной пракуратуры, кіраўнікі абласных грамадскіх аб’яднанняў РГА «Белая Русь» і «ВІККРУ», работнікі Магілёўскага абласнога краязнаўчага музея імя Е. Р. Раманава. Арганізатарамі выступілі галоўнае ўпраўленне ідэалагічнай работы і па справах моладзі Магілёўскага аблвыканкама, Упраўленне па ўвекавечанні памяці абаронцаў Айчыны і ахвяр войнаў Узброеных Сіл Міністэрства абароны Рэспублікі Беларусь. У межах семінара адбылося падпісанне пагаднення аб узаемадзеянні паміж Магілёўскай абласной арганізацыяй РГА «Белая Русь» і грамадскім аб’яднаннем «Магілёўскі абласны гісторыка-патрыятычны пошукавы клуб «ВІККРУ».
Фота Галіны Гаўрыловіч
Пры выкарыстанні матэрыялаў актыўная гіперспасылка на mogilev-region.gov.by абавязковая
