Прыморскі акадэмічны краёвы драматычны тэатр імя М. Горкага (горад Уладзівасток) другі дзень знаходзіцца з гастролямі ў Магілёве. У панядзелак, 5 ліпеня, на сцэне абласнога драмтэатра адбыўся паказ музычна-містычнай меладрамы Алены Ісаевай «Эдзіт і яе дэманы». У аснове сюжэту аповяд аб апошнім каханні ў жыцці легендарнай Эдзіт Піяф, якую яна сустрэла за два гады да сваёй смерці. Дзіўны мужчына апынуўся побач, каб дапамагчы ў яе пакутнай душы прымірыцца з навакольным светам. Усё сваё жыццё, якое яна лічыла і агідным, і ў той жа час цудоўным, яна так лёгка, так папросту раздавала ўсю сябе, свае грошы, свой голас, свае дні і ночы, што раптам ёй здалося, быццам душа яе апусцела. Але менавіта ў гэты страшны момант да яе прыйшоў той, для якога яна хацела памерці на сцэне разам са сваёй апошняй песняй. Дарэчы, выканаўца галоўнай ролі актрыса Наталля Аўчыннікава спявае на сцэне ўжывую.
Пры выкарыстанні матэрыялаў актыўная гіперспасылка на mogilev-region.gov.by абавязковая