Урачыстае мерапрыемства, прысвечанае 75-годдзю з дня ўтварэння ваеннага камісарыята Магілёўскай вобласці, адбылося 7 снежня ў абласным цэнтры. З рук ваеннага камісара рэгіёна палкоўніка Аляксандра Гарошкіна заслужаныя ўзнагароды атрымалі больш за 50 чалавек – асабісты састаў і ветэраны. Макетаў пісталета сістэмы ТТ удастоены палкоўнік запасу Юрый Кацур, палкоўнікі ў адстаўцы Уладзімір Карасцялёў і Міхаіл Пяшко. Акрамя таго, былі ўручаны падзякі і граматы начальніка Генеральнага штаба Узброеных сіл і камісарыята Магілёўскай вобласці, а таксама юбілейныя медалі «100 год Узброеным Сілам Рэспублікі Беларусь», памятныя нагрудныя знакі «Ваенныя камісарыяты Рэспублікі Беларусь. 100 год». Завяршылася мерапрыемства канцэртам з удзелам выхаванцаў музычнага каледжа імя М. А. Рымскага-Корсакава і інш.
Пры выкарыстанні матэрыялаў актыўная гіперспасылка на mogilev-region.gov.by абавязковая
