Сёлета галоўнай дамінантай рэспубліканскага свята ў Александрыі абраны ручнік. Таму адной з навінак фестывалю стала правядзенне выставы-кірмашу «Ручнік народнага адзінства». На экспазіцыйна-тэматычных купальскіх падворках абласцей-удзельніц прэзентуюць свае вырабы майстры народнай творчасці, дэманструецца калекцыя старажытных і рэканструяваных беларускіх ручнікоў рэгіёнаў. А каля галоўнай сцэны свята размясцілася пляцоўка «Кросны роднай Беларусі». Тут госці «Купалля» могуць убачыць старадаўнія і рэканструяваныя мабільныя ткацкія станкі, пазнаёміцца з унікальнымі тэхналогіямі традыцыйнага беларускага ткацтва, паўдзельнічаць у майстар-класах, абрадах з ручніком.
Пры выкарыстанні матэрыялаў актыўная гіперспасылка на mogilev-region.gov.by абавязковая
