ПереводчикАрхіў навін
Сёння, 21 верасня, у горадзе Лохэ правінцыі Хэнань адбылося афіцыйнае адкрыццё сумеснай кітайска–беларускай вытворчасці малочнай прадукцыі. Пра гэта расказалі ў камітэце эканомікі Магілёўскага аблвыканкама.
Партнёрамі сумеснага прадпрыемства сталі ААТ «Бабулін гладыш» – кіруючая кампанія холдынгу Магілёўская малочная кампанія «Бабулін гладыш» і кампанія «Henan Hongtuo Import and Export Co.Ltd».
Беларусы з 1 кастрычніка змогуць заказваць дровы анлайн. Аб гэтым паведаміў міністр лясной гаспадаркі Сяргей Ульдзіновіч у эфіры тэлеканала «Першы інфармацыйны».
«У бягучым годзе ўжо рэалізавана больш за 3,1 млн куб.м дроў унутры краіны. Мы бачым рост да ўзроўню мінулага года на больш як 200 тыс. куб.м. Людзі актыўна рыхтуюцца да ацяпляльнага сезона. Я думаю, гэта не мяжа, яшчэ будзе сур'ёзнае спажыванне», – сказаў Сяргей Ульдзіновіч.
У Магілёве адбыўся другі этап рэспубліканскага турніру па настольным тэнісе «Кубак Надзей» сярод дзяўчат і юнакоў 2013 г.н. (не старэйшыя за 13 гадоў).
Масавая вакцынацыя супраць грыпу стартуе ў Беларусі з пачатку кастрычніка, паведаміла начальнік аддзела гігіены, эпідэміялогіі і прафілактыкі Міністэрства аховы здароўя Іна Карабан.
«Масавая вакцынацыя праводзіцца ў традыцыйныя тэрміны – кастрычнік–лістапад, каб паспеў сфарміравацца імунітэт», – сказала Іна Карабан.
Прэзідэнт Беларусі Аляксандр Лукашэнка ў час рабочай паездкі ў Шклоўскі раён наведаў сялянскую (фермерскую) гаспадарку «Дзіяна», якая спецыялізуецца на вырошчванні бульбы. За размовай на полі закранулі многія жыццёвыя тэмы.
Прэзідэнт Беларусі Аляксандр Лукашэнка ў час рабочай паездкі ў Шклоўскі раён Магілёўскай вобласці нагадаў, што завяршэнне ўборкі збожжавых – гэта толькі палавіна справы, наперадзе ў аграрыяў яшчэ шмат работы.
З нагоды Дня народнага адзінства магілёўскія і віцебскія эксперты правялі сумесныя мерапрыемствы на тэрыторыі дзвюх абласцей: у Шклоўскім і Аршанскім раёнах.
Прэзідэнт Беларусі Аляксандр Лукашэнка прапануе ў перспектыве павялічваць у Беларусі плошчы пад бульбу. Аб гэтым ён заявіў у Шклоўскім раёне пры наведванні сялянскай (фермерскай) гаспадаркі «Дзіяна».
Бульбу ў Беларусі ўбралі з 28% запланаваных плошчаў, паведамілі БЕЛТА ў прэс–службе Міністэрства сельскай гаспадаркі і харчавання.
Паводле аператыўных даных на 18 верасня, бульба ўбрана з 28% плошчаў краіны. Накапана бульбы 212 тыс. т сярэдняй ураджайнасцю 340 ц/га. У разрэзе абласцей: Магілёўская – 69 тыс. т, Мінская – 52 тыс. т, Брэсцкая – 28 тыс. т, Гомельская – 26 тыс. т, Гродзенская – 19 тыс. т, Віцебская – 18 тыс. т.
Прэзідэнт Беларусі Аляксандр Лукашэнка зробіць рабочую паездку ў Шклоўскі раён Магілёўскай вобласці.
Кіраўнік дзяржавы наведае сельгаспрадпрыемства «Гавяды–Агра», а таксама сялянскую (фермерскую) гаспадарку «Дзіяна». Размова пойдзе аб цяперашнім стане і перспектывах развіцця сельгасвытворчасці, вырошчванні і арганізацыі захоўвання бульбы.
Два стартавыя паядынкі 23–га тура адбудуцца на футбольным чэмпіянаце Беларусі сярод каманд вышэйшай лігі.
У першым сённяшнім матчы «Белшына» прыме ў Бабруйску футбалістаў «Мінска» (пачатак гульні ў 16.30; прамая трансляцыя на тэлеканале «Беларусь 5»). У першым крузе цяперашняга першынства мінчане разграмілі бабруйчан з лікам 5:1. У мінулым туры «Мінск» перамог на сваёй арэне мазырскую «Славію» (1:0), а «Белшына» ў гасцях згуляла ўнічыю з «Віцебскам» (1:1).
Адзінства беларускага народа роўнае незалежнасці дзяржавы. Аб гэтым Прэзідэнт Беларусі Аляксандр Лукашэнка заявіў у сваім выступленні на маладзёжным форуме «Моладзь. Беларусь. Будучыня», прысвечаным Дню народнага адзінства.
Кіраўнік дзяржавы звярнуў увагу, што ў 1921 годзе, калі падпісваўся Рыжскі дагавор і прымалася рашэнне аб падзеле, меркаванне Беларусі не ўлічвалася.
У Міністэрстве па падатках і зборах нагадалі аб выплаце адзінага маёмаснага плацяжу да 16 лістапада.
«З 2024 года ў Беларусі аб'ядналі падатак на нерухомую маёмасць, зямельны і транспартны падаткі ў адзін плацеж. Усё разам – за кватэру, дачу і машыну. Падатковая сама ўсё палічыць і дашле паведамленне», – адзначылі ў МПЗ.
Звыклы шум вытворчасці на заводзе «Белмаш» змяніўся на музыку і танцы – напярэдадні Дня народнага адзінства для работнікаў завода падрыхтавалі музычны падарунак. Калектыў падпяваў любімыя хіты і зараджаўся святочным настроем.
ТРК «Магілёў»
Прэзідэнт даручыў аграрыям завяршыць работу па ўводу жывёлагадоўчых аб'ектаў да 1 кастрычніка, аднак у рэгіёне справіліся на месяц раней: спяшаліся да першых халадоў. У выніку навасёламі стануць больш за 10 тысяч цялят. Маляняты ўжо пачалі пераязджаць у цёплыя і камфортныя дамы, што ў будучыні станоўча адаб'ецца на захаванасці пагалоўя. Палепшыліся ўмовы працы і для людзей, а многія працэсы ў доглядзе цялят сталі аўтаматызаванымі.
Дзень народнага адзінства сімвалізуе нацыянальную годнасць і гістарычную справядлівасць. Аб гэтым гаворыцца ў віншаванні Прэзідэнта Беларусі Аляксандра Лукашэнкі суайчыннікам з нагоды гэтага свята, паведамілі ў прэс–службе беларускага лідара.
Беларусь сёння адзначае адно з галоўных дзяржаўных свят – Дзень народнага адзінства. Яно прымеркавана да знакавай гістарычнай падзеі – уз'яднання ў 1939 годзе Заходняй Беларусі і БССР. Менавіта 17 верасня пачаўся вызваленчы паход Чырвонай Арміі, што вярнуў у склад адзінай дзяржавы тэрыторыі, якія паводле ўмоў Рыжскага мірнага дагавора 1921 года ўвайшлі ў склад Польшчы без уліку меркавання беларускага народа. Дзень народнага адзінства з'яўляецца сімвалам гістарычнай справядлівасці і этнічнай кансалідацыі беларускай нацыі.
Спектакль «Сіняя–сіняя» Магілёўскага абласнога тэатра лялек заваяваў Гран–пры XIII Міжнароднага фестывалю «Пятрушка Вялікі», які праходзіў у Екацярынбурзе з 10 па 14 верасня. Удзел у ім бралі артысты з Расіі, Беларусі, Кітая і Замбіі.
Асабісты прыём грамадзян правёў сёння старшыня Магілёўскага абласнога Савета дэпутатаў Аляксандр Гарошкін. Жыхары абласнога цэнтра звярнуліся да яго з пытаннямі, якія датычацца жыллёва–камунальнай гаспадаркі, добраўпарадкавання тэрыторый і работы ўстаноў аховы здароўя.
Член Савета Рэспублікі Нацыянальнага сходу Рэспублікі Беларусь, старшыня Магілёўскага абласнога Савета дэпутатаў Аляксандр Гарошкін:
– 17 верасня ў нашай краіне святкуецца Дзень народнага адзінства. Гэта дата сімвалізуе даніну павагі нашай гісторыі і адзінства беларускага народа. Гэтае свята нагадвае аб непарыўнай сувязі пакаленняў і служыць надзейнай апорай для будучыні нашай краіны. Яно увасабляе непарушнасць нашых меж і згуртаванасць беларускай нацыі.
Напярэдадні Дня народнага адзінства адбыўся маладзёжны прафсаюзны форум «Мая краіна – мой лёс». Урачыстае адкрыццё мерапрыемства правёў старшыня Беларускага прафсаюза работнікаў аховы здароўя Вячаслаў Шыла.
Мітынг–рэквіем у памяць аб ахвярах акупацыі, прымеркаваны да Дня народнага адзінства, адбыўся на плошчы Славы ў Магілёве. У знак павагі і вечнай памяці ўдзельнікі акцыі ўсклалі кветкі да манумента ў гонар герояў.
Для работнікаў ТАА «Генеральная сістэма інвестыцый» выступіў калектыў Цэнтра творчасці дзяцей і моладзі «Крынічка».
Святочны канцэрт у цэху «Мы адзіныя!» адбыўся 15 верасня на вытворчай пляцоўцы ТАА «Генеральная сістэма інвестыцый» у Магілёве. Мерапрыемства прайшло напярэдадні Дня народнага адзінства.
Зацверджана палажэнне аб парадку правядзення конкурснага адбору для занясення на Рэспубліканскую дошку Гонару. Адпаведную пастанову Савета Міністраў падпісаў прэм'ер–міністр Аляксандр Турчын, паведамілі ў прэс–службе ўрада.
Дакумент распрацаваны ў мэтах рэалізацыі ўказа ад 15 чэрвеня 2026 года №195. Пастанова, у прыватнасці, прадугледжвае вызначэнне агульных патрабаванняў да правядзення конкурснага адбору прэтэндэнтаў для занясення на Рэспубліканскую дошку Гонару.
Семінар–практыкум «Інавацыйныя падыходы ў будаўніцтве» для кадравага рэзерву аблвыканкама ў сферы будаўніцтва і ЖКГ, а таксама студэнтаў БРУ і архітэктурна–будаўнічага каледжа прайшоў сёння ў Магілёве.
Беларусь і Кітай паслядоўна ўмацоўваюць партнёрскія сувязі, у тым ліку ў сферы турызму. Дзесяць папулярных кітайскіх блогераў, чыя сукупная аўдыторыя перавышае 50 мільёнаў падпісчыкаў, прыехалі пазнаёміцца з гісторыяй, культурай і турыстычным патэнцыялам нашай краіны. Адным з прыпынкаў іх маршруту стаў палацава–паркавы ансамбль Булгакаў у Жылічах.
У Магілёве прайшла галоўная аўтамабільная падзея восені — абласны конкурс ад БРСМ «АўтаЛедзі», прымеркаваны да Года беларускай жанчыны.
У спаборніцтвах прынялі ўдзел дзевяць самых яркіх і мэтанакіраваных прадстаўніц прыгожага полу, якія даказалі, што сучасная беларуская дзяўчына – гэта гарманічнае спалучэнне інтэлекту, стылю і ўпэўненага валодання аўтамабілем.
У праграме былі няпростыя выпрабаванні: ад ідэальнага ведання ПДР да экспресс–замены кола і складанага кіравання на аўтадроме.
У гарадскіх, раённых выканаўчых камітэтах Магілёўскай вобласці, адміністрацыях раёнаў гарадоў Магілёва і Бабруйска для вырашэння пытанняў на месцах па суботах з 9.00 да 12.00 працягваюць працаваць прамыя тэлефонныя лініі, адпаведныя нумары тэлефонаў размешчаны на іх інфармацыйных рэсурсах і ў СМІ.
Так, 19 верасня можна будзе звярнуцца па тэлефонах:
Магілёўскі гарвыканкам – 8 (0222) 42–21–02 (Сушко Рыгор Іванавіч – кіраўнік спраў гарвыканкама);
Рэспубліканская дыктоўка да Дня народнага адзінства пройдзе ў Беларусі 17 верасня. Пра гэта паведамілі ў пресс–службе Міністэрства адукацыі.
Пачнецца дыктоўка ў 11.00. Сёлета імпрэза пройдзе ў традыцыйным фармаце: тэкст будзе дыктаваць вядомы беларускі блогер Андрэй Максімаў.
Трэцяе пасяджэнне VII Усебеларускага народнага сходу пройдзе ў Мінску 17–18 снежня 2026 года. Гэта прадугледжана распараджэннем, якое падпісаў Старшыня УНС Аляксандр Лукашэнка, паведамілі ў прэс–службе беларускага лідара.
Пасяджэнне УНС у канстытуцыйным статусе з 2024 года праходзіць штогод. Гэты год для ВНС з'яўляецца юбілейным – спаўняецца 30 гадоў з даты правядзення першага сходу ў кастрычніку 1996 года.