ПереводчикАрхіў навін
Каля дзесяці прамысловых прадпрыемстваў Магілёўшчыны аказваюць экскурсійныя паслугі. Пра гэта паведамілі ў Магілёўскім агенцтве рэгіянальнага развіцця, якое распрацавала некалькі маршрутаў, у межах якіх запланавана разам з гістарычнымі і культурнымі славутасцямі наведванне прамысловых прадпрыемстваў. Экскурсійная праграма маршрутаў прадугледжвае ў лікуіншага знаёмства з тэхналагічным працэсам, а таксама правядзенне дэгустацыі выпускаемай прадукцыі.
Прадстаўнікі Магілёўскай вобласці заваявалі 9 залатых узнагарод на Кубку Беларусі па лёгкай атлетыцы
У Брэсце правялі адкрыты Кубак Беларусі па лёгкай атлетыцы. За ўзнагароды змагаліся наймацнейшыя спартсмены з усіх рэгіёнаў краіны, а таксама з Бахрэйна і Ізраіля.
Трэба дадаць навізны ў праграму рэспубліканскага свята «Купалле» ў Александрыі, захоўваючы пры гэтым яго нацыянальны каларыт. Аб гэтым заявіў намеснік прэм'ер-міністра Ігар Петрышэнка ў час пасяджэння пастаянна дзеючага арганізацыйнага камітэта па падрыхтоўцы і правядзенні свята «Купалле» («Александрыя збірае сяброў»).
У гэтыя дні напал работ працаўнікоў вёскі прыпадае на нарыхтоўку травяністых кармоў, чаму спрыяе сонечнае надвор’е. Гэта з’яўляецца галоўнай задачай дня.
Як паведамілі ў аддзеле раслінаводства аблсельгасхарча, на 1 чэрвеня было скошана звыш 23 тыс. га шматгадовых траў. Убраныя яны амаль з паловы скошаных плошчаў.
У Быхаве на фэшн-фестывалі «Магія стылю»паказалі вынікі вялікага праекта «Крэатыўныя тэхналогіі». Ініцыятыва аб’яднала тры сельскія раёны: Быхаўскі, Чэрыкаўскі і Клічаўскі.
У выніку атрымалася калекцыя модных вобразаў. Але галоўная мэта «Крэатыўных тэхналогій»– навучыць людзей, як можна зарабіць на жыццё сваёй справай.
Старшыня Дзяржаўнага мытнага камітэта Уладзімір Арлоўскі сёння прадставіў новага начальніка Магілёўскай мытні Андрэя Місючэнку калектыву і кіраўніцтву праваахоўных ведамстваў вобласці.
Андрэй Місючэнка нарадзіўся ў Гомелі, там жа скончыў Беларускі дзяржаўны ўніверсітэт транспарту. Працоўную дзейнасць у мытных органах пачаў у 1999 годзе ў Гомельскай мытні. Далей праходзіў службу, у тым ліку на кіруючых пасадах, у Гродзенскай рэгіянальнай мытні, Дзяржаўным мытным камітэце, Брэсцкай мытні.
На пасяджэнні калегіі Камітэта дзяржаўнага кантролю Магілёўскай вобласці разгледжаны вынікі аўдыту эфектыўнасці ААТ «Бабруйскі завод біятэхналогій». Пра гэта паведаміў намеснік старшыні ведамства Алег Стрыгун.
За студзень-красавік 2021 года ў бюджэт Магілёўскай вобласці паступіла Br495,3 млн. Даходы ў параўнанні з аналагічным перыядам мінулага года павялічыліся на Br45,8 млн., або 10,2% у фактычным вылічэнні.
Найбольшыя сумы ў даходах бюджэту склалі паступленні падаходнага падатку – Br181,3 млн. (36,6%), падатку на дабаўленую вартасць –Br79,8 млн. (16,1%), падатку на прыбытак – Br46,5 млн. (9,4%), дывідэндаў па акцыях і даходаў ад іншых формаў удзелу ў капітале – Br33,3 млн. (6,7%), падатку пры спрошчанай сістэме падаткаабкладання – Br29,9 млн. (6,0%).
Маштабы паняцця «генацыд беларускага народа» недаацэненыя – рэктар МДУ імя А. А. Куляшова Дзяніс Дук
Маштабы паняцці «генацыд беларускага народа» недаацэненыя. На гэта звярнуў увагу рэктар Магілёўскага дзяржаўнага ўніверсітэта імя А. А. Куляшова Дзяніс Дук у гутарцы з журналістамі. Сёння ён прымаў удзел у абласной канферэнцыі «Генацыд беларускага народа ў гады Вялікай Айчыннай вайны».
Сёння ў Магілёве асабісты прыём грамадзян правёў старшыня аблвыканкама Леанід Заяц. Сярод тых, хто звярнуўся, была жыхарка Крычава, якая прыехала выказаць словы падзякі губернатару.
Жанчына расказала, што яе сям’я сутыкнулася з вялікай бядой –анкалагічнымі захворваннямі. Дзякуючы зладжанай працы ўсіх структур, асабістаму ўдзелу губернатара, яны не засталіся адзін на адзін са сваёй праблемай. «Я прыехала да Вас сёння, каб сказаць дзякуй ад сябе, мужа і маёй 90-гадовай маці. Я не пасаромеюся гучных слоў – вы выратавалі нам жыцці», – падкрэсліла заяўніца.
На Магілёўшчыне прышчэплена 6,6 працэнта жыхароў – 57 тысяч, сярод іх пераважна медработнікі, супрацоўнікі ўстаноў адукацыі, сацыяльнай абароны, а таксама людзі з хранічнымі хваробамі і старэйшыя за 60 гадоў. Зараз асноўны кантынгент для абароны –гэта пажылыя, вакцыны хапае ўсім, але для іх яна паказана ў першую чаргу.
Магілёўскае аддзяленне Беларускага дзіцячага фонду ў гэтыя дні правяло абласную акцыі «Дрэва дружбы», у якой прынялі ўдзел 54 дзіцячыя дамы сямейнага тыпу. Бацькам і дзецям падарылі елкі, якія яны высадзілі на сваіх прыдамавых тэрыторыях у свята – Дзень абароны дзяцей.
– Мы спадзяёмся, што «дрэва дружбы», якое мы падарылі кожнаму дзіцячаму дому сямейнага тыпу нашай вобласці, стане сімвалам надзеі і радасці, – адзначыла дырэктар Магілёўскага аддзялення Беларускага дзіцячага фонду Ірына Фісюк. – Калі блакітная елка падрасце, яна зможа стаць упрыгожваннем і ў Новы год.
Сёння па вуліцы Цыялкоўскага, д. 1 у Магілёве адкрылася дзіцячая гульнявая пляцоўка. На свяце, прымеркаваным да Міжнароднага дня абароны дзяцей, сабраліся гараджане з малымі. Для дзяцей тэрыторыя для гульняў стала сапраўдным падарункам. Цяпер каля жылых дамоў ёсць абсталяваная зона для актыўнасцей. Ідэя ўладкаваць пляцоўку належыць Магілёўскаму аддзяленню Беларускай гандлёва-прамысловай палаты.
Падчас адкрыцця гульнявой зоны старшыня Беларускай гандлёва-прамысловай палаты Уладзімір Улаховіч адзначыў:
Вялікае свята для дзяцей грамадскага аб’яднання «Беларуская асацыяцыя дапамогі дзецям-інвалідам і маладым інвалідам» і дзяцей грамадскай дабрачыннай арганізацыі «Магілёўскі дзіцячы хоспіс» арганізавалі сёння ў Магілёве. Удзельнікамі мерапрыемства сталі амаль 50 дзяцей рознага ўзросту.
Адзін з важных вектараў развіцця нашай дзяржавы–падтрымка дзяцей усіх узростаў. Такім меркаваннем падзялілася намеснік старшыні Пастаяннай камісіі па міжнародных справах Палаты прадстаўнікоў Вольга Петрашова падчас перадачы падарункаў для аддзялення медыцынскай рэабілітацыі для дзяцей ранняга ўзросту з паражэннем ЦНС з парушэннем функцыі апорна-рухальнага апарата Магілёўскай абласной дзіцячай бальніцы.
Якім павінна быць лета? Формула ідэальнага лета простая і немудрагелістая: лета павінна быць сонечным, смачным, вясёлым, пагодным і самае галоўнае–бяспечным.
Наймацнейшыя велагоншчыкі Беларусі з’едуцца на 52-і традыцыйны мемарыял Героя Савецкага Саюза, Героя Сацыялістычнай Працы К. П. Арлоўскага па веласіпедным спорце на шашы. Спаборніцтвы пройдуць 4–6 чэрвеня ў аграгарадку Мышкавічы Кіраўскага раёна.
Штогадовыя спаборніцтвы збяруць спартсменаў з усіх абласцей і горада Мінска.
Рэгіянальны фестываль дзіцячай творчасці «Славянскі карагод» пройдзе 5–6 чэрвеня ў Горках
Свята Пушкінскай паэзіі пройдзе 5 чэрвеня ў аграгарадку Цялуша Бабруйскага раёна. Мерапрыемства адбудзецца на пляцоўцы каля сельскага Дома культуры, паведамляецца на сайце газеты «Трыбуна працы».
У праграме – памінальная паніхіда ў Свята-Мікольскім храме, ускладанне кветак да магілы ўнучкі А. С. Пушкіна Н.А. Варанцовай-Вельямінавай, тэатралізавана-паэтычнае прадстаўленне, выстава-продаж вырабаў дэкаратыўна-прыкладнога мастацтва, работа дзіцячых атракцыёнаў, гандлёвых радоў і многае іншае.
Пачатак у 10.00. Уваход вольны.
У Горках 2 чэрвеня адкрыюць спартыўную пляцоўку. Пра гэта паведамляецца на партале газеты «Горацкі веснік».
Мерапрыемства адбудзецца з 11.00 да 13.00 у мікрараёне Вакзальны паміж дамамі № № 31, 35 і 39 па вуліцы Вакзальнай. Арганізатары свята, прымеркаванага да Міжнароднага дня абароны дзяцей, падрыхтавалі для ўдзельнікаў спаборніцтва, конкурсы, гульні, якія будуць суправаджаць вясёлыя аніматары. Дзяцей чакаюць прыемныя адкрыцці і сюрпрызы. Будзе таксама працаваць тэматычная пляцоўка РАНС.
З 3 па 15 чэрвеня будзе адсутнічаць гарачае водазабеспячэнне: у раёне вуліц Грышына; Крупскай (да жылых дамоў № 62б; 64; 51; 51а; 70); Ленінская; Піянерская; Першамайская, па пр-це Міру ад жылых дамоў цотны бок № 18а, няцотны бок № 25; у мікрараёне Юбілейны.
У апошні час у розных сацыяльных сетках размяшчаецца інфармацыя з апавяданнямі аб масавай высечцы лясоў па ўсёй краіне. Каментуючы сітуацыю, Магілёўскае дзяржаўнае вытворчае лесагаспадарчае аб’яднанне паведамляе, што ніякіх дадатковых масавых высечак лесу на фоне павышанага попыту і падаражэння драўніны ў аб’яднанні не вядзецца.
Рубка лясоў у Магілёўскай вобласці ідзе згодна з лесаўпарадкавальнымі праектамі лесагаспадарчых устаноў. Усе рубкі планавыя, вядуцца ва ўстаноўленым заканадаўствам парадку. Тым самым забяспечваецца ўстойлівае лесакарыстанне і лесакіраўніцтва.
На Спецаўтапрадпрыемстве прайшоў урачысты сход, прысвечаны 90-гадоваму юбілею. Яркай падзеяй святочнага мерапрыемства стала адкрыццё на тэрыторыі прадпрыемства сімвалічнага памятнага знака–смеццявоза. Дарэчы, гэта адзіны смеццезборачны аўтамабіль, які ўдастоіўся гонару быць пастаўленым на манумент.
За першы тыдзень выдачы сертыфікатаў аб праходжанні вакцынацыі ад COVID-19 іх аформіла каля 400 чалавек.
Імунізацыя ў рэгіёне працягваецца. Больш за 30 тыс. чалавек ужо атрымалі вакцыну цалкам. Наперадзе яшчэ шмат працы над калектыўным імунітэтам. І пакуль абарона набудзе высокую ступень, трэба самім працягваць берагчыся ад каранавіруса: па-ранейшаму дыстанцыявацца ў грамадскіх месцах, абавязкова насіць маскі і абавязкова мыць рукі!
Супрацоўнікі і курсанты Магілёўскага інстытута МУС павіншавалі з маючым адбыцца Днём абароны дзяцей выхаванцаў цэнтра медыцынскай рэабілітацыі дзяцей-інвалідаў з паражэннем ЦНС і апорна-рухальнага апарата Магілёва і Мацюцкага ясляў-саду Горацкага раёна. Пра гэта паведаміла афіцыйны прадстаўнік ВНУ Марына Грамыка.
Паводле апошніх звестак, у Беларусі пражывае крыху больш за 36 тыс. дзяцей-сірот ва ўзросце да 23 гадоў. Падтрымаць іх на шляху да самастойнага жыцця–клопат дзяржавы. І тут задзейнічаны розныя структуры: яны дапамагаюць атрымаць адукацыю, жыллё, працаўладкавацца.
Алгарытм суправаджэння дзяцей-сірот такі: з 18 гадоў маладыя людзі прыбываюць на першае месца працы або ў замацаванае за імі жыллё. Пакет дакументаў на кожнага перадаецца ў цэнтр сацабслугоўвання насельніцтва.
У Магілёве ў сувязі з будаўніцтвам і рэканструкцыяй цеплавых сетак з 31 мая да 31 ліпеня будзе перакрыты ўчастак дарогі па бульвары Непакорных (ад вул. Гагарына да вул. Палявой).
Учора, 30 мая, у Пінску падвялі вынікі 13-й Рэспубліканскай спартакіяды работнікаў аховы здароўя. Першае месца заняла Магілёўская вобласць. Другое – у Віцебскай, трэцяе – у Гомельскай абласцей. Пераможцы ўзнагароджаны грашовымі прэміямі.
Прамую тэлефонную лінію 5 чэрвеня правядзе намеснік старшыні Магілёўскага аблвыканкама Руслан Барысавіч Страхар. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.
У Магілёве прайшло адкрытае першынство БФСТ «Дынама» па цяжкай атлетыцы на прызы старшыні Дзяржаўнага мытнага камітэта Рэспублікі Беларусь.
У спаборніцтвах прынялі ўдзел каманды з Магілёўскай, Гомельскай, Гродзенскай і Віцебскай абласцей(а гэта больш за 100 юнакоў і дзяўчат 2003 года нараджэння і маладзейшыя).
Маладыя спартсмены спаборнічалі па двух практыкаваннях у праграме дваябор’я (рывок і штуршок класічны дзвюма рукамі). Асабістыя месцы вызначыліся ў кожнай вагавой катэгорыі.