ПереводчикАрхіў навін
ААТ «Магілёўхімвалакно» адпраўляе на экспарт 60% прадукцыі, а геаграфія паставак уключае 29 краін свету. Пра гэта паведаміў генеральны дырэктар прадпрыемства Пётр Руднік.
Штогод вада, нібы ахвярны алтар, забірае жыцці. 27 мая ў 17.13 паступіла паведамленне пра затанулага 16-гадовага дзіцяці ў р. Сож у Крычаве, расказала старэйшы інспектар абласнога ўпраўлення МНС Вольга Нехарошых.
Паводле папярэдніх даных, падлетак хацеў перайсці раку ў неглыбокім месцы, аднак моцная плынь падхапіла і панесла яго. Работнікамі МНС і Таварыства выратавання на вадзе праводзіліся працы па пошуку патанулага. Хлопчык не знойдзены, пошукі працягваюцца.
У Гродне прайшоў чэмпіянат Беларусі па цяжкай атлетыцы сярод мужчын і жанчын. У турніры прыняло ўдзел больш за 200 спартсменаў з усіх рэгіёнаў краіны.
У жаночым турніры прадстаўнікі Магілёўскай вобласці заваявалі 3 залатыя, 3 сярэбраныя, 1 бронзавую ўзнагароды і занялі першае месца ў камандным заліку. Чэмпіёнкамі Беларусі сталі Аліна Шчапанава (64 кг), Дар’я Хейдэр (71 кг), Дар’я Навумава (76 кг).
У мужчынскай частцы спаборніцтваў у актыве цяжкаатлетаў Магілёўшчыны 2 сярэбраныя і 1 бронзавая ўзнагароды.
Новы аб’ект – «Рэканструкцыя склада вогнетрывалых матэрыялаў з устаноўкай фасовачнай машыны ў транспартна-пакавальным цэху» – адкрылі ўчора на ААТ «Крычаўцэментнашыфер».
Перад выпускнікамі адкрыты ўсе дарогі, і толькі ад іх выбару будзе залежаць іх будучыня. Пра гэта сказаў міністр адукацыі Ігар Карпенка падчас рэспубліканскага свята «Апошні званок – 2021», якое прайшло ў Бабруйску.
Прэзідэнт Беларусі Аляксандр Лукашэнка падпісаў указ, у адпаведнасці з якім змяняецца ўказ ад 5 мая 2006 года № 299 і выкладаецца ў новай рэдакцыі палажэнне аб парадку фарміравання, зацвярджэння дзяржаўнай інвестыцыйнай праграмы, рэгіянальных інвестыцыйных праграм і справаздачнасці аб іх выкананні. Пра гэта паведамілі ў прэс-службе беларускага лідара.
Памочнік Прэзідэнта – інспектар па Магілёўскай вобласці Леанід Мартынюк сустрэўся з калектывам Магілёўскай абласной арганізацыйнай структуры ДТСААФ.
Першы сакратар Цэнтральнага камітэта БРСМ Дзмітрый Варанюк учора правёў прыём грамадзян у Магілёўскім гарвыканкаме. Пытанні тычыліся традыцыйных для жыхароў тэм – жыллёва-камунальнай гаспадаркі, транспартных зносін, жылля.
А вось ветэран з Магілёва падняў вострую для цяперашняга часу тэму – уплыву на краіну звонку. Ён адзначыў, што гэта той момант, калі мы ўсе павінны падтрымаць Беларусь, згуртавацца.
У Магілёве першы сакратар Цэнтральнага камітэта БРСМ Дзмітрый Варанюк сустрэўся з моладдзю і выкладчыкамі Дзяржаўнага прафесійнага ліцэя № 9 імя А. П. Старавойтава. Спярша ён азнаёміўся з установай адукацыі: яе праектамі, матэрыяльна-тэхнічнай базай, умовамі для пражывання дзяцей. Затым у фармаце дыялогу абмеркаваў з навучэнцамі праблемы, якія хвалююць сучаснае пакаленне.
Дзве баявыя ўзнагароды – ордэн Чырвонай Зоркі і медаль «За баявыя заслугі» – папоўняць фонды Магілёўскага абласнога краязнаўчага музея імя Е. Р. Раманава. Іх знайшлі вучні Магілёўскай СШ № 5 і перадалі спецыялістам ваенна-пошукавай секцыі Беларускага добраахвотнага таварыства аховы помнікаў гісторыі і культуры.
Хуткаснае манеўраванне на легкавым аўтамабілі, конкурс па ручным рэгуляванні ў рэальнай дарожнай абстаноўцы, спаборніцтвы па стральбе з рухомага аўтамабіля па нерухомай мішэні, камбінаваная эстафета «Міліцэйскі біятлон», тэсціраванне па спецыяльнай медыцынскай падрыхтоўцы і ведах правілаў дарожнага руху, дэманстрацыя выдатнай фізічнай падрыхтоўкі і баявых прыёмаў самаабароны... Усё гэта – этапы Магілёўскага абласнога агляду-конкурсу прафесійнага майстэрства супрацоўнікаў дарожна-патрульнай службы, які праходзіў на працягу 2 дзён.
Камітэтам дзяржкантролю Магілёўскай вобласці ў межах кантролю за працай лесагаспадарчай галіны рэгіёна праведзена праверка ДЛГУ «Краснапольскі лясгас». Пра гэта паведаміў першы намеснік старшыні ведамства Дзмітрый Захараў.
Праверкай выяўлена неэфектыўнае выкарыстанне дзяржаўных сродкаў і набытай за іх кошт маёмасці.
У тэатральна-канцэртнай зале абласнога цэнтра творчасці 28 красавіка ў 18.00 адбудзецца канцэртная праграма «25 старонак поспеху», прысвечаная 25-годдзю ДУДА «Цэнтр творчасці «Эверэст» г. Магілёва». Пра гэта паведаміла намеснік дырэктара па вучэбна-метадычнай рабоце ўстановы дадатковай адукацыі Алена Бялясава.
СМІ неабходна кансалідавана адстойваць пазіцыю дзяржавы, заявіў журналістам намеснік кіраўніка Адміністрацыі Прэзідэнта Ігар Луцкі. Ён прымае ўдзел у I Форуме медыйнай супольнасці Беларусі «СМІ ў эпоху цыфравізацыі».
Абласны злёт юных выратавальнікаў-пажарных прайшоў на базе ПАВА-6 Магілёўскага ГАНС. Удзел у мерапрыемстве прыняло 10 каманд-пераможцы аналагічных занальных спаборніцтваў з Магілёва, Бабруйска, Горак, Быхава, Мсціслава, Крычава, Дрыбіна, Магілёўскага і Хоцімскага раёнаў. Юныя ратавальнікі прадэманстравалі спрыт, сілу, уменні, веды і крэатыў у 6 конкурсах.
Каманда «Абаронцы» ДУА «Сярэдняя школа № 27 г. Бабруйска» заваявала права прадстаўляць Магілёўскую вобласць на рэспубліканскім фінале ваенна-патрыятычнай гульні «Зарніца». Пра гэта паведаміла старшыня Магілёўскага абласнога савета ГА «БРПА» Алена Малдаванава.
Здарэнне адбылося ўвечары 25 мая ў адным са шматпавярховых дамоў Слаўгарада, паведамляецца ў Telegram-канале Следчага камітэта.
Тым вечарам мама хлопчыка знаходзілася ў ванным пакоі. У гэты час старэйшая дачка адкрыла акно на кухні, каб паклікаць дадому сваіх брата і сястру. Пасля чаго яна выйшла з пакоя, а акно пакінула адчыненым. Хлопчык падцягнуў крэсла, залез на падваконнік і, абапёршыся аб маскітную сетку, выпаў з вышыні чацвёртага паверха.
Камітэтам дзяржаўнага кантролю сумесна з іншымі зацікаўленымі праводзіцца маніторынг адукацыйных устаноў, дзіцячых садкоў і аздараўленчых лагераў, а таксама іншых аб’ектаў, абмежаваных для доступу старонніх асоб.
У мэтах усебаковага вывучэння сітуацыі ў КДК Магілёўскай вобласці 1–2 чэрвеня будзе праводзіцца «гарачая лінія»з насельніцтвам на тэму«Праблемы і недахопы ў забеспячэнні выканання патрабаванняў па прадухіленні несанкцыянаванага доступу старонніх асоб на аб’екты ўстаноў сацыяльнай і іншых сфер дзейнасці Магілёўскай вобласці».
Пераможцаў гарадскога конкурсу дзіцячай творчасці «Звонкая капель» абвесцяць падчас гала-канцэрта ў Магілёве 1 чэрвеня.
У Магілёўскай вобласці попыт на маладых спецыялістаў рабочых прафесій больш чым у 3 разы перавышае прапанову. Працадаўцы выстройваюцца ў чаргу па таленавітых выпускнікоў навучальных устаноў.
Гісторыя з будаўніцтвам школы ў Бабруйску закруцілася яшчэ ў мінулым годзе, калі Прэзідэнт наведваў прадпрыемства «Славянка». Адна з работніц тады закранула актуальную тэму і папрасіла кіраўніка дзяржавы дапамагчы ў вырашэнні пытання. Кіраўніцтву вобласці было даручана прааналізаваць неабходнасць новага аб’екта.
Конкурс найлепшых практык па рэалізацыі стратэгіі ўстойлівага развіцця Магілёўскай вобласці на перыяд да 2035 года праводзіцца ў рэгіёне. Пра гэта паведамілі ў ААТ «Магілёўскае агенцтва рэгіянальнага развіцця».
Удзельнікамі конкурсу могуць стаць юрыдычныя асобы любой формы ўласнасці, у тым ліку некамерцыйныя арганізацыі; індывідуальныя прадпрымальнікі; мясцовыя органы ўлады і/або іх структурныя падраздзяленні; ініцыятыўныя групы насельніцтва, якія распрацоўваюць і рэалізуюць ініцыятывы і праекты ў партнёрстве з мясцовымі органамі ўлады, іншымі арганізацыямі.
1 чэрвеня–пачатак радаснай пары і важнае свята дзяцінства–Дзень абароны дзяцей. Магілёўскі абласны тэатр лялек запрашае маленькіх і дарослых на тэматычнае мерапрыемства.
Гасцей чакае сюрпрыз у выглядзе незвычайнага вулічнага перфомансу, выставы дзіцячага малюнка і, вядома ж, спектакля. Таксама падчас свята адбудзецца танцавальная праграма «Авечка–Party».
Пачатак у 17.00.
Ред.
Праект «Горкі – здаровы горад» рэалізуецца ў райцэнтры з 2014 года. Адно з традыцыйных мерапрыемстваў – Тыдзень здароўя. У мінулым годзе праз пандэмію яго не праводзілі, а ў гэтым вырашылі пашырыць часовыя рамкі да месячніка, і што характэрна – па той жа прычыне.
У Магілёўскай вобласці 3 па 11 чэрвеня пройдуць мабілізацыйныя вучэнні. Пра гэта паведаміў ваенны камісар горада Магілёва і Магілёўскага раёна падпалкоўнік Мікалай Гамолка.
У названы перыяд будзе адпрацоўвацца парадак выканання асобных мерапрыемстваў па пераводзе эканомікі Магілёўскай вобласці, а таксама дзяржаўных органаў на работу ва ўмовах ваеннага часу.
Бацькоўскіх дзён у аздараўленчых дзіцячых лагерах Магілёўскай вобласці гэтым летам не плануюць. Эстафеты, гульні і дыскатэкі рэкамендавана праводзіць на вуліцы.
Да новага аздараўленчага сезона санітарныя службы разам з медыкамі падрыхтавалі супрацьэпідэмічныя рэкамендацыі. Працягласць змен скарачацца не будзе, але абавязковым стане штодзённы медыцынскі кантроль за здароўем дзяцей і персаналу, максімальнае сацыяльнае дыстанцыяванне ў сталовых і спальных пакоях. Масавыя мерапрыемствы будуць праводзіцца пераважна на свежым паветры.
Магілёўцы перамаглі на рэспубліканскім прафесійным конкурсе будучых работнікаў паштовай сувязі. У конкурсе ўдзельнічалі каманды з усіх абласцей Беларусі.
Дыплома I ступені ўдастоена каманда «Паштовыя зорачкі» Магілёўскага прафесійнага электратэхнічнага каледжа. У тройцы найлепшых–каманды з Брэста і Віцебска.
Каля 30 тыс. саджанцаў кавуноў высадзяць на палях ААТ «Рассвет імя К. П. Арлоўскага» Кіраўскага раёна. Праца пачалася ўжо сёння, паведаміў аграном-гароднінавод прадпрыемства Іван Фядотаў.
Тэма выбараў у мясцовыя Саветы дэпутатаў –адна з абмяркоўваемых у выбарчых акругах, заявіла намеснік старшыні Пастаяннай камісіі па міжнародных справах Вольга Петрашова на пасяджэнні Палаты прадстаўнікоў, падчас якога дэпутаты прагаласавалі за зварот да Прэзідэнта з просьбай унесці ў Палату прадстаўнікоў законапраект аб змяненні Канстытуцыі Беларусі. Ён прадугледжвае магчымасць правядзення выбараў у мясцовыя Саветы дэпутатаў 29-га склікання адначасова з правядзеннем выбараў у Палату прадстаўнікоў восьмага склікання.
Абласны злёт юных ратавальнікаў-пажарных пройдзе 26 мая на базе ПАРА-6 Магілёўскага ГАНС.
Удзел у мерапрыемстве прыме 10 каманд –пераможцы аналагічных занальных спаборніцтваў з Магілёва, Бабруйска, Горак, Быхава, Мсціслава, Крычава, Дрыбіна, Магілёўскага і Хоцімскага раёнаў.