Выбары - 2020

Аб магчымасці прагаласаваць датэрмінова

Выбаршчыкі, якія ў дзень выбараў не маюць магчымасці знаходзіцца па месцы свайго жыхарства, маюць права прагаласаваць датэрмінова на ўчастку для галасавання з 4 па 8 жніўня 2020 года ўключна (з 10 да 14 гадзін і з 16 да 19 гадзін).

Аб азнаямленні са спісамі выбаршчыкаў

Усімі ўчастковымі камісіямі па выбарах Прэзідэнта Рэспублікі Беларусь вобласці (акрамя ўчастковых камісій, утвораных у санаторыях, прафілакторыях, дамах адпачынку, бальніцах і іншых арганізацыях, якія аказваюць медыцынскую дапамогу ў стацыянарных умовах) складзены спіскі выбаршчыкаў.

Кожнаму выбаршчыку ў памяшканні ўчастковай камісіі з 24 ліпеня будзе забяспечана магчымасць праверыць, ці ўключаны ён у спіс і ці правільна ў спісе пазначаныя звесткі пра яго.

Інфармацыя аб участковых камісіях, іх кантактных тэлефонах размешчана на інтэрнэт-сайтах раённых выканаўчых камітэтаў і адміністрацый раёнаў у гарадах Бабруйску і Магілёве.

ГРАФІК РАБОТЫ ЎЧАСТКОВЫХ КАМІСІЙ ПА ВЫБАРАХ ПРЭЗІДЭНТА РЭСПУБЛІКІ БЕЛАРУСЬ

У перыяд з 24 ліпеня па 3 жніўня 2020 г. уключна ўстаноўлены наступны графік працы:

у буднія дні – з 17 да 19 гадзін
для ўчастковых камісій, размешчаных у сельскай мясцовасці, – з 15 да 17 гадзін

у суботу – з 12 да 14 гадзін
нядзеля – выхадны.

У перыяд датэрміновага галасавання і ў дзень выбараў рэжым працы ўчастковых камісій вызначаецца з улікам часу галасавання, устаноўленага Выбарчым кодэксам (з 10 да 14 гадзін і з 16 да 19 гадзін; з 8 да 20 гадзін).

Усімі гарадскімі і раённымі выканаўчымі камітэтамі вобласці прыняты рашэнні аб вызначэнні:

• памяшканняў для правядзення сустрэч кандыдатаў у Прэзідэнты Рэспублікі Беларусь, іх давераных асоб з выбаршчыкамі, а таксама перадвыбарных сходаў, якія арганізуюцца выбаршчыкамі;
• месцаў для правядзення масавых мерапрыемстваў (сходаў па-за памяшканнямі, мітынгаў, пікетавання) у паведамляльным парадку ў мэтах ажыццяўлення перадвыбарнай агітацыі;
• аб вызначэнні на тэрыторыі ўчастка для галасавання месцаў для агітацыйных друкаваных матэрыялаў.

З адзначанымі рашэннямі можна азнаёміцца на інтэрнэт-сайтах гарадскіх і раённых выканаўчых камітэтаў і мясцовых адміністрацый раёнаў у гарадах Бабруйску і Магілёве.

Старшыні, намеснікі і сакратары абраныя ва ўсіх участковых выбарчых камісіях па выбарах Прэзідэнта Рэспублікі Беларусь на тэрыторыі Магілёўскай вобласці.

З названымі рашэннямі можна азнаёміцца на інтэрнэт-сайтах гарадскіх, раённых выканаўчых камітэтаў і мясцовых адміністрацый.

На тэрыторыі Магілёўскай вобласці ўтворана 731 участковая камісія па выбарах Прэзідэнта Рэспублікі Беларусь

Аб парадку і тэрмінах вылучэння прадстаўнікоў у склад участковых камісій па выбарах Прэзідэнта Рэспублікі Беларусь у 2020 годзе

У Магілёўскай вобласці ўтвораны 731 участак для галасавання па выбарах Прэзідэнта Рэспублікі Беларусь, у тым ліку 34 - у арганізацыях аховы здароўя, якія аказваюць медыцынскую дапамогу ў стацыянарных умовах.

Участковыя камісіі па выбарах Прэзідэнта Рэспублікі Беларусь у 2020 годзе ўтвараюцца –не пазней за 24 чэрвеня 2020 г.

У адпаведнасці з артыкулам 35 Выбарчага кодэкса Рэспублікі Беларусь прадстаўнікоў у склад участковых камісій па выбарах Прэзідэнта Рэспублікі Беларусь маюць права вылучаць:

• палітычныя партыі, іншыя грамадскія аб’яднанні;
• працоўныя калектывы арганізацый, калектывы структурных падраздзяленняў арганізацый;
• групы грамадзян шляхам падачы заяў.

Чытаць  далей

21 мая 2020 года адбылося першае пасяджэнне Магілёўскай абласной камісіі, на якім з ліку яе ўдзельнікаў абраныя старшыня, намеснік старшыні і сакратар камісіі, усталяваны рэжым працы камісіі.

Старшынёй камісіі абраны Валерый Васільевіч Берастаў;
намеснікам старшыні - Мікалай Мікалаевіч Кароцін;
сакратаром камісіі - Дзмітрый Мікалаевіч Цімафеенка.

Аб рашэннях аб вызначэнні месцаў, забароненых для правядзення пікетавання з мэтай збору подпісаў выбаршчыкаў па вылучэнні кандыдатаў у Прэзідэнты Рэспублікі Беларусь

Усімі гарадскімі і раённымі выканаўчымі камітэтамі вобласці прыняты рашэнні аб вызначэнні месцаў, забароненых для правядзення пікетавання з мэтай збору подпісаў выбаршчыкаў па вылучэнні кандыдатаў у Прэзідэнты Рэспублікі Беларусь.

З названымі рашэннямі можна азнаёміцца на інтэрнэт-сайтах гарадскіх і раённых выканаўчых камітэтаў і мясцовых адміністрацый раёнаў у гарадах Бабруйску і Магілёве.