Содержимое

Абласная акцыя «Падары немаўляці вышыванку» адбылася 1 ліпеня ў Магілёўскай бальніцы №1. Напярэдадні Дня Незалежнасці Беларусі першы сакратар Цэнтральнага камітэта ГА «БРСМ» Дзмітрый Варанюк, першы сакратар Магілёўскага абласнога камітэта ГА «БРСМ» Павел Алекса, валанцёры руху «Добрае Сэрца» наведалі 1-е радзільнае аддзяленне ўстановы аховы здароўя. Удзельнікі акцыі з цёплымі пажаданнямі ўручылі мамам і іх дзеткам, якія нарадзіліся напярэдадні свята, распашонкі з нацыянальным беларускім арнаментам, букеты васількоў і павіншавалі маленькіх грамадзян краіны.

Магілёў адзначыў Дзень горада. Традыцыйна па галоўнай вуліцы абласнога цэнтра прайшло тэатралізаванае шэсце «Усім сэрцам з табой, мой горад родны!». На пешаходнай вуліцы адбылося свята нацыянальных культур «Магілёў – наш агульны дом». Тут таксама працавала пляцоўка «Магілёў гасцінна запрашае!». Канцэрт ад кампаніі velcom / A1 сабраў магілёўцаў і гасцей горада на плошчы Зорак. Хэдлайнерамі сталі «Дзядзя Ваня» і Тэа.