Абласная акцыя «Падары немаўляці вышыванку» пройдзе сёння ў Магілёўскай бальніцы №1. Пра гэта паведамілі ў абкаме БРСМ.
Напярэдадні Дня Незалежнасці Беларусі першы сакратар Цэнтральнага камітэта ГА «БРСМ» Дзмітрый Варанюк, першы сакратар Магілёўскага абласнога камітэта ГА «БРСМ» Павел Алекса, валанцёры руху «Добрае Сэрца» наведаюць 1-е радзільнае аддзяленне ўстановы аховы здароўя.
Удзельнікі акцыі з цёплымі пажаданнямі ўручаць мамам і іх дзеткам, якія нарадзіліся напярэдадні свята, распашонкі з нацыянальным беларускім арнаментам, букеты васількоў і павіншуюць маленькіх грамадзян краіны.
«Нацыянальны арнамент – своеасаблівы шыфр, пасланне нам ад нашых далёкіх продкаў, закліканы ахоўваць і абараняць, – адзначылі суразмоўцы. – Такім чынам, нованароджаны, які атрымаў такі падарунак, будзе пад надзейнай абаронай».
Акцыя праходзіць у Магілёўскай вобласці з 28 чэрвеня па 3 ліпеня ўключна.
Арганізатарам мерапрыемства выступае ГА «Беларускі рэспубліканскі саюз моладзі».
Пры выкарыстанні матэрыялаў актыўная гіперспасылка на mogilev-region.gov.by абавязковая
03.06.2025 - 13:17
03.06.2025 - 12:35
Прамыя тэлефонныя лініі пройдуць у Магілёўскай вобласці 7 чэрвеня
03.06.2025 - 11:15
Унікальная экспазіцыя. «Цягнік Перамогі» прыбудзе ў Магілёў 28 чэрвеня
03.06.2025 - 10:39
У Магілёве ўшанавалі памяць дзяцей вайны: акцыя «Гірлянда памяці» ад Беларускага дзіцячага фонду