Галоўная платформа для дзелавой камунікацыі беларускага і замежнага бізнесу ў галіне інвестыцый сабрала прадстаўнікоў больш як 20 краін свету. На працягу двух дзён прадстаўнікі органаў дзяржкіравання, гандлёва-прамысловых палат, дыпламатычнага корпуса і вядомых сусветных кампаній абмяркуюць выклікі сучаснасці і новыя падыходы ў рабоце свабодных эканамічных зон Беларусі і Расіі, інвестыцыйную прывабнасць рэгіёнаў. Запланавана выстава арганізацый вытворцаў Магілёўскай вобласці, а таксама экспазіцыя інвестпрапаноў рэгіёну.
